Yangiliklar

Urganch shahar adliya boʼlimi tomonidan “Quvanchbek-Mashxura” MChJ rahbari F.Ibadullaevning Urganch shahrining markaziy qismi rekonstruktsiya qilinishi munosabati bilan jamiyatga tegishli bino va inshootlarni davlat va jamoat ehtiyojlari uchun buzib olinishi evaziga tuzilgan kelishuv shartnomasiga koʼra jami 1200 kv.m boʼlgan yer maydoni ajratib berilishi lozim boʼlsada, 400 kv.m yer maydoni ajratilmasdan kelinayotganligi uchun ushbu yer maydonini ajratilishida amaliy yordam berishni soʼrab, qilgan murojaati oʼrganildi.
Аniqlanishicha, “Quvanchbek-Mashxura” MChJ rahbari F.Ibadullaev va Urganch shahar hokimligi oʼrtasida 11.11.2015 yilda kelishuv shartnomasi tuzilib, unga koʼra shahar hokimligi Urganch shahar Yoshlik koʼchasida joylashgan umumiy yer maydoni 625 kv.m. boʼlgan qozonxona binosi hamda Urganch shahar Yoshlik koʼchasi 4b-uyda joylashgan umumiy yer maydoni 1572,58 kv.m. boʼlgan bino va inshootlarini davlat va jamoat ehtiyojlari uchun buzib olinishi evaziga Urganch shahridan jami 1200 kv.m.dan iborat boʼlgan yer maydoni ajratishga kelishilgan.
Аmmo, Urganch shahar hokimligi tomonidan kelishuv shartnomasida belgilangan yer maydonidan jami 600 kv.m qismi ajratilib, qolgan 400 kv.m yer maydonining ajratilishi taʼminlanmagan.
Oʼrganish natijasi boʼyicha, shahar adliya boʼlimi tomonidan Urganch tumanlararo iqtisodiy sudiga kiritilgan daʼvo arizaga binoan sudning 04.05.2021 yildagi hal qiluv qarori bilan Urganch shahar hokimligiga 11.11.2015 yildagi kelishuv shartnomasiga asosan “Quvanchbek-Mashxura” MChJga ajratilishi lozim boʼlgan Urganch shahar 33-son mahalla fuqarolar yigʼini hududidan ikki qavatli, birinchi qavati savdo va maishiy xizmat koʼrsatish shahobchasi, ikkinchi qavati turar-joyga moʼljallangan bino qurish uchun 400 kv.m yer maydoni ajratish majburiyatini yuklash belgilanib, sudning qaroriga asosan tadbirkorning buzilgan huquqlari tiklandi.

O‘zbekiston Respublikasi Vazirlar Mahkamasining 2019 yil 20 dekabrdagi 1023-son qarori bilan tasdiqlangan “Tadbirkorlik va shaharsozlik faoliyatini amalga oshirish uchun yer uchastkalarini elektron onlayn-auksion orqali berish tartibi to‘g‘risida”gi Nizomning 74-bandiga muvofiq, davlat xizmatlari markazlari, prokuratura va adliya organlariga davlat organlari va boshqa tashkilotlar tomonidan nizom talablariga so‘zsiz rioya etilishi bo‘yicha tizimli nazorat va monitoringni amalga oshirish vazifasi yuklatilgan.
Qo‘shko‘pir tuman hokimligi tomonidan Nizomning 8-bandi talablariga rioya qilinmaganligi aniqlandi.
Xususan, Nizomning 7-bandida qurilish organlari tomonidan amalga oshiriladigan ishlarning qiymati, ya'ni arxitektura va rejalashtirish topshirig‘ini (keyingi o‘rinlarda ART deb yuritiladi) ishlab chiqish uchun — eng kam bazaviy hisoblash miqdorining to‘rt baravari miqdorida belgilanishi, ushbu Nizomning 8-bandida ARTni ishlab chiqish qiymati tuman (shahar) hokimligi tomonidan mahalliy byudjetning qo‘shimcha manbalari hisobidan ART ishlab chiqilgan kunda to‘liq to‘lab berilishi belgilangan.
Biroq, tuman hokimligi tomonidan joriy yilning 1 fevral' holatiga qurilish organi tomonidan ishlab chiqilib,«YERELEKTRON» AATga kiritilgan jami 87 ta umumiy qiymati 77.604.000 so‘mlik mablag‘lar to‘lab berilmagan hamda mablag‘ ajratish bo‘yicha farmoyish qabul qilinmagan.
Shulardan kelib chiqib, tuman hokimligidan qurilish organi tomonidan joriy yilning 1 fevral' holatiga ishlab chiqilib,“YERELEKTRON” AATga kiritilgan jami 87 ta, umumiy qiymati 77.604.000 so‘mlik ART ishlanganlik uchun to‘lanmagan mablag‘larni viloyat Qurilish bosh boshqarmasi hisobiga undirish bo‘yicha Shovot tumanlararo iqtisodiy sudiga da'vo ariza kiritildi.
Mazkur da'vo ariza sud tomonidan ko‘rib chiqilib to‘lanmasdan turgan 77.604.000 so‘mlik mablag‘lar viloyat Qurilish bosh boshqarmasi hisobiga undirish yuzasidan hal qiluv qarori qabul qilindi.

Tuproqqalʼa tuman adliya boʼlimi tomonidan Tuproqqalʼa tumani “Sarimoy” MFY Xolis Nur koʼchasi 43-uyda yashovchi Samandarov Ozodning davlat soliq inspektsiyasi tomonidan ortiqcha soliq toʼlovi yuklatilganligi norozi boʼlib qilgan murojaati oʼrganildi.
Oʼrganish jarayonida, murojaatchi O.Samandarov tomonidan Xorazm viloyat Uy-joy mulkdorlari shirkatlari uyushmasi tomonidan 2019 yil 22 apreldagi №0224-sonli mulk huquqini beruvchi davlat orderi bilan Tuproqqalʼa tumani hokimining 2020 yil 18 dekabrda “Turar joy binosiga nisbatan egalik huquqi va yer maydonini meros qilib qoldiriladigan umrbod egalik qilish huquqi bilan berish toʼgʼrisida”gi qabul qilingan 530q-son qarori davlat roʼyxatidan oʼtkazmaganligi hamda “Yakka tartibdagi turar joyning kadastr pasporti”ni olmaganligi natijasida DSQ Yagona integratsiyalashtirilgan axborot resurs bazasi АRMNI -KАDАSTR dasturiy mahsulida turar joy va yer uchastkasi yer maydoni noqonuniy egallanganligi qayd qilinib, 800 kv.m yer maydoni uchun belgilangan soliq stavkasining 3 barobari mikdorida yer soligʼi hisoblanganligi aniqlandi.
Murojaatni oʼrganish davomida boʼlim tomonidan tegishli xat kiritilib, Oʼzbekiston Respublikasi Davlat soliq qoʼmitasi xuzuridagi kadastr agentligining davlat kadastri palatasi tuman filiali tomonidan maʼlumotlar onlayn ravishda DSQ Yagona integratsiyalashtirilgan axborot resurs bazasiga yer uchastkasiga boʼlgan huquqni tasdiqlovchi hujjatlari maʼlumotlari kiritilib, yer va mol-mulk soliqlari qayta hisob-kitob qilingan holda yuborilishi natijasida murojaatchining turar joyi xususiylashgan 2019 yildan boshlab ortiqcha xisoblangan toʼlovlar barataraf qilinishi taʼminlandi.

Joriy yilning 30 aprel kuni viloyat adliya boshqarmasining masʼul xodimlari tomonidan boshqarmaga biriktirilgan Urganch shahridagi 1-son umumiy oʼrta taʼlim muassasasiga borgan xolda maktab oʼqituvchilariga yangi qabul qilinayotgan qonun xujjatlari xaqida tushuntirishlar, hamda mamlakatimizdagi islohotlar va oʼzgarishlar bilan tanishtirildi.
Shu bilan birga, boshqarma masʼul xodimlari tomonidan maktab oʼquvchilari uchun yaratilgan shart-sharoitlar bilan tanishildi.

Ҳазорасп туман адлия бўлими томонидан тумандаги “Мустақиллик” маҳалласида яшовчи У.А.нинг ўғли Й.С.га нисбатан ногиронлик белгилаш масаласида амалий ёрдам кўрсатиш тўғрисидаги мурожаати кўриб чиқилди.
Мурожаатни кўриб чиқиш натижасида, 2021 йил 27 апрель куни 97-сон Ҳазорасп туманлараро тиббий-меҳнат эксперт комиссияси томонидан фуқаро Й.С. Ўзбекистон Республикаси Вазирлар Маҳкамасининг 2011 йил 1 июлдаги 195-сон қарори билан тасдиқланган Фуқароларни тиббий-меҳнат эксперт комиссияларида тиббий кўрикдан ўтказиш тартиби тўғрисидаги низомда белгиланган тартибда тиббий кўрикдан ўтказилиб, комиссиянинг тегишли кўрикдан ўтказиш далолатномасига асосан Й.С.га нисбатан муддатсиз (умрбод) I гуруҳ ногиронлик белгиланиши таъминланди.

Ўзбекистон Республикаси Президентимиз томонидан илгари сурилган бешта муҳим ташаббус ҳамда “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги фармони ижроси юзасидан Ҳазорасп туман адлия бўлими ташаббуси билан тумандаги ўрта мактаб ўқувчилари ўртасида спортнинг “Баскетбол” йўналишида туман “Адлия кубоги” соврини бўйича туман биринчилиги мусобоқа турнири ўтказилди.
Мазкур мусобоқада 1-ўринни 1-сон ихтисослаштирилган мактаб интернат, 2 ўрин 37-сон мактаб, 3-ўрин 34-сонли мактаблар турнир ғолиб деб топилди ҳамда туман адлия бўлимининг махсус совғалари билан тағдирландилар.

Вилоят адлия бошқармасининг Инсон ҳуқуқларини ҳимоя қилиш бўлими  томонидан Хонқа туманидаги 11-сон умумий ўрта таълим мактабида жисмоний тарбия ўқитувчиси лавозимида фаолият кўрсатиб келаётган фуқаро У.Шариповнинг Хонқа туман Ҳалқ таълими бўлими ходимларининг хатти-ҳаракатларидан норози бўлиб қилган мурожаати кўриб чиқилди.
Аниқланишича, фуқаро У.Шарипов 1992 йил 29 август куни Хонқа туман 11-сон умумий ўрта таълим мактаби директорининг 41-сонли буйруғи билан мактабга жисмоний тарбия ўқитувчиси лавозимига ишга қабул қилинган.
Мактаб директорининг 2020 йил 19 декабрдаги 49-сонли буйруғи билан Ўзбекистон Республикаси Президентининг 2020 йилнинг 30 октябрдаги ПФ-6099-сонли Фармонидан келиб чиқиб, унга 2021 йил 1 январь кунидан “Спорт тарғиботчиси” қўшимча вазифаси юклатилганлиги ва унинг базавий лавозим маошига 20 фоиз миқдорида устама пули тўланилиши белгиланган.
Лекин, Хонқа туман Ҳалқ таълими бўлими томонидан фуқаро У.Шариповга бугунги кунга қадар базавий лавозим маошига 20 фоиз миқдорида устама пули тўлаб берилмаган.
Шу юқоридагиларга асосан қарздор Хонқа туман Ҳалқ таълими бўлимидан Хонқа туманидаги 11-сон умумий ўрта таълим мактабида ишловчи “Спорт тарғиботчиси” вазифаси юклатилган ходим У.Шариповга жорий йилнинг январь, февраль ва март ойлари учун базавий лавозим маошига 20 фоиз миқдорида ҳисобланган устама пули, яъни 1.626.882 сўмни ундириш юзасидан ФИБ Урганч туманлараро судига суд буйруғи киритилди ва суднинг
2021 йилнинг 23 апрель кунги буйруғига мувофиқ фуқарога тўланилиши лозим бўлган 1.626.882 сўм пул маблағи ундирилиши таъминланди.

Жорий йилнинг 23 апрель куни жойларда аҳолини қийнаб келаётган муаммоларни аниқлаш ва уларни ҳал этиш чораларини кўриш мақсадида Хоразм вилоят адлия бошқармаси бошлиғининг ўринбосари И.Назаров навбатдаги сайёр қабули Шовот тумани Қиёт қишлоғи  Ойдин маҳалласида бўлиб ўтди.
Сайёр қабулда 35 нафардан ортиқ фуқаролар иштирок қилди.
Сайёр қабулда инсон ҳуқуқларига оид мурожаатлардан 5 таси вилоят адлия бошқармаси иш юритувига, 11 та мурожаат туман адлия бўлими иш юритувига кўриб чиқишлик учун қабул қилинган бўлса, қолган фуқароларга Ўзбекистон Республикасининг “Жисмоний ва юридик шахсларнинг мурожаатлари тўғрисида”ги Қонунига асосан жойида ҳал қилиниб, тушунтиришлар берилди.

Янгибозор туман адлия бўлими томонидан туманда яшовчи фуқаро М.Ўрозметованинг “Мактабгача тарбия муассасаларида тарбиячи” мутахассислиги бўйича иш билан таъминлашда ёки ишсизлик нафақаси олишда амалий ёрдам беришни сўраб қилган мурожаати туман аҳоли бандлигига кўмаклашиш маркази ходимлари иштирокида кўриб чиқилди.
Янгибозор туман аҳоли бандлигига кўмаклашиш марказининг 2021 йил 19 апрель кунги 25/12-01/15-221-сон хатига асосан,бугунги кунда Янгибозор туманидаги мактабгача таълим муассасаларида “бошланғич жисмоний тарбия” мутахассислиги бўйича бўш иш ўринлари йўқлиги сабабли, фуқаро М.Ўрозметова Ўзбекистон Республикасининг “Аҳоли бандлиги тўғрисида”ги Қонунининг 44, 51-моддалари тартибида марказ томонидан ишсиз деб эътироф этилиб, 2021 йил май ойидан ижтимоий ҳимояга олиниб,  ишсизлик нафақаси тайинланиши таъминланди.

Жорий йилнинг 21 апрель куни халк депутатлари Урганч шаҳар Кенгашининг навбатдаги йиғилиши бўлиб ўтди. Унда Урганч шаҳар адлия бўлими бошлиғи О.Юсупов томонидан 2021 йил 1-чорагида давлат органлари ва ташкилотларининг норма ижодкорлиги ҳамда ҳуқуқни қўллаш амалиёти ҳолати тўғрисида халк депутатлари Урганч шаҳар Кенгашида ахборот берди.