Yangiliklar

Хоразм вилояти адлия бошқармаси томонидан 2020 йил 14 февраль куни соат 10-00 да Шовот тумани адлия бўлими бош маслаҳатчиси лавозимига танлов ўтказилади. Танлов жараёни Ўзбекистон Республикаси Адлия вазирлигининг расмий сайтида трансляция қилинади.

Янгибозор туман адлия бўлими томонидан “Туямуйин-Урганч” минтақалараро сув қувурларидан фойдаланиш бошқармаси ДУК Янгибозор туман бўлимида ишловчи фуқаро Т.Матқурбановнинг ушбу ташкилотда 2019 йил ноябрь-декабрь ойларида ишлаган даврлари учун иш ҳақи ўзвақтида тўланмаганлиги ва уни ундиришда амалий ёрдам сўраб қилган мурожаати юзасидан бўлим фаолиятида қонун ҳужжатларига риоя этилиши аҳволи мониторинг тартибида таҳлил қилинди.

Таҳлил натижасига кўра, жорий йилнинг 15 январь ҳолатига “Туямўйин-Урганч” СҚФБДУК Янгибозор туман бўлими томонидан жами
1 млн. 46 минг сўм ҳисобланиб тўланиши лозим бўлсада, ўрганиш кунига қадар тўланмаганлиги аниқланди.

Юқорида қайд этилган қарздорлик юзасидан “Туямўйин-Урганч” МСҚФБДУКга аниқланган ҳуқуқбузарликларга йўл қўймаслик, уларнинг содир этилишига кўмаклашувчи сабаблар ва шарт-шароитларни бартараф этиш тўғрисида тақдимнома киритилди ва ушбу киритилган тақдимномага асосан “Туямўйин-Урганч” МСҚФБДУК Янгибозор тумани бўлимида ишлаб келаётган фуқаро Т.Матқуррбановнинг тўланмасдан келаётган иш ҳақлари тўлиқ тўлаб берилишига эришилди.

Ҳазорасп туман адлия бўлими томонидан “Туямуйин-Урганч” минтақалараро сув қувурларидан фойдаланиш бошқармаси ДУК Хазорасп туман бўлими ишловчи фуқаролар К.Хажиев ва Х.Абдуллаевларнинг ушбу ташкилотда 2019 йил август-декабрь ойларида ишлаган даврлари учун иш ҳақлари ўз вақтида тўланмаганлиги ва уни ундиришда амалий ёрдам сўраб қилган мурожатлари юзасидан бўлим фаолиятида қонун ҳужжатларига риоя этилиши аҳволи мониторинг тартибида таҳлил қилинди.

Таҳлил натижасига кўра, жорий йилнинг 14 январь ҳолатига “Туямўйин-Урганч” МСҚФБ ДУК Хазорасп туман бўлими томонидан бўлимда ишлаб келаётган ушбу фуқароларга иш ҳақлари жами 6 млн. 973 минг 635 сўм ҳисобланиб тўланиши лозим бўлсада, ўрганиш кунига қадар тўланмаганлиги аниқланди.

Юқорида қайд этилган қарздорлик юзасидан “Туямўйин-Урганч” МСҚФБ ДУКга аниқланган ҳуқуқбузарликларга йўл қўймаслик, уларнинг содир этилишига кўмаклашувчи сабаблар ва шарт-шароитларни бартараф этиш тўғрисида тақдимнома киритилди ва ушбу киритилган тақдимномага асосан “Туямўйин-Урганч” МСҚФБ ДУК Хазорасп туман бўлимда ишлаб келаётган фуқаролар К.Хажиев ва Х.Абдуллаевларнинг тўланмасдан келаётган иш ҳақилари тўлиқ тўлаб берилишига эришилди.

Хоразм вилояти адлия бошқармасида 2019 йил декабрь ойи якуни бўйича амалга оширилган ишлар таҳлилига асосан ойнинг энг яхши ходими аниқланди. Унга асосан Хоразм вилоят адлия бошқармаси Ҳуқуқий тарғибот ва маърифат бўлими етакчи маслаҳатчиси Маткаримов Комилжон Маткаримович “Ойнинг энг яхши ходими” дея эътироф этилди.

        Шу муносабат билан Хоразм вилояти адлия бошқармаси жамоаси Маткаримов Комилжон Маткаримовичнинг келгуси фаолиятига омад тилаган ҳолда унинг бошқарма фаолиятига қўшиб келаётган ҳиссаси учун чуқур миннаддорчилик билдиради.

2020 йил 11 январь куни вилоят адлия бошқармаси ҳамда вилоят солиқ бошқармаси билан тарғибот тадбирларини ўтказиш бўйича тасдиқланган семинар график ижросини таъминлаш мақсадида Урганч туман адлия бўлими томонидан 2020 йил 17 январь куни Хоразм вилоят Давлат солиқ бошқармаси билан ҳамкорликда янги таҳрирдаги Ўзбекистон Республикаси Солиқ кодексининг мазмун-моҳиятини, унга киритилган янги нормаларни аҳоли шу жумладан тадбиркорларга етказиш бўйича туман ДСИда тадбиркорлар ҳамда ДСИ ходимлари иштирокида ўқув семинари ташкил қилиниб, Солиқ кодекси мазмун-моҳияти юзасидан ҳуқуқий тушунтиришлар берилди. Янги таҳрирдаги Ўзбекистон Республикаси Солиқ кодексининг мазмун-моҳиятини, унга киритилган янги нормаларни тушунтириш ишлари вилоятнинг барча туман (шаҳар)ларида давом қилдирилади.

Жорий йилнинг 17 январь куни Хоразм вилоят вилоят адлия бошқармаси томонидан бошқарма ва унинг тизимида фаолият юритаётган ёшлар билан учрашув бўлиб ўтди.

Мазкур учрашувда тизимдаги фаолият юритаётган ёшларнинг фикр мулоҳазалари ва таклифлари эшитилиб, уларни қизиқтираётган масалалар бўйича берилган саволларга бошқарма раҳбарияти томонидан жавоблар берилди.

Маълумот тариқасида айтадиган бўлсак, Хоразм вилоят адлия бошқармасида 2018 йил 19 февраль куни Ёшлар иттифоқининг бошланғич ташкилоти ўз фаолиятини бошлаган.

Ушбу бошланғич ташкилот иш бошлаган кундан бугунги кунгача вилоят адлия бошқармаси раҳбарияти томонидан ёшлар билан учрашувлар ўтказиб келинмоқда.

Жумладан, вилоят адлия бошқармаси томонидан ёшларни билим кўникмаларини ошириш мақсадида ҳар ҳафтанинг жума куни “Ҳуқуқий билимлар куни” деб эълон қилиниб, мазкур “Ҳуқуқий билимлар куни”да бошқарма ва унинг тизимидаги ходимларга ҳуқуқшунос олимлар, фан арбоблари, маданият ходимлари иштирокида ҳуқуқий ва маънавий-маърифий тадбирлари, қабул қилинган қонунлар ва бошқа норматив-ҳуқуқий ҳужжатларнинг мазмун-моҳияти ва аҳамиятини кўргазмали тарзда тушунтириш ҳамда коррупция ва бошқа ҳуқуқбузарликларнинг олдини олишга қаратилган ҳуқуқий тарғибот тадбирлари ўтказиб келинмоқда.

Ҳазорасп туман адлия бўлими томонидан Ҳазорасп тумани “Пичоқчи” қишлоғида яшовчи фуқаролар Ш.Рўзметова ва Р.Абдуллаевларнинг, ўзлари яшаб келаётган, ўзбошимчалик билан қурилган турар жойларга нисбатан Кўчмас мулкларга нисбатан мулк ҳуқуқини эътироф этиш бўйича бир марталик умумдавлат акцияси доирасида кўчмас мулкларга нисбатан мулк ҳуқуқини эътироф этиш тартиби тўғрисида низомда белгиланган қоидалар бўйича ҳужжатлар расмийлаштирилиб, Кўчмас мулкка нисбатан ҳуқуқни эътироф этиш ишларини ташкил этиш бўйича туман комиссиясининг ижобий хулосаси мавжуд бўлсада, ўз вақтида туман ҳокимининг қарори қабул қилинмаётганлигидан норози бўлиб қилган мурожаатлари кўриб чиқилди.

Мурожаатни кўриб чиқиш натижаси бўйича туман адлия бўлими томонидан фуқаролар Ш.Рўзметова ва Р.Абдуллаевларнинг қонуний манфаатларини кўзлаб Ҳазорасп туман маъмурий судига аризалар киритилиб, туман маъмурий судининг туман ҳокимлиги зиммасига мулк ҳуқуқини эътироф этиш бўйича қарор чиқариш мажбуриятини юклаш тўғрисида ҳал қилув қарорлари қабул қилинди.

Суднинг ҳал қилув қарорига асосан туман ҳокимлиги томонидан фуқаролар Ш.Рўзметова ва Р.Абдуллаевларнинг ўзбошимчалик билан қурилган турар жойларига нисбатан мулк ҳуқуқини эътироф этиш тўғрисида қарорлари қабул қилиниб, улар ўзлари яшаб келаётган турар жойларнинг қонуний эгасига айландилар.

Жорий йилнинг 14 январь куни Хоразм вилоят адлия бошқармаси томонидан солиқ ва молия бошқармалари билан ҳамкорликда Ёшлар Иттифоқи Хоразм вилоят кенгашида “Солиқ кодексига ўзгартириш ва қўшимчалар киритиш тўғрисида”ги Қонун билан Солиқ кодексининг янги таҳрири тасдиқланганлиги сабабли мазкур Кодекснинг ижросини, ижрочиларга етказилишини ҳамда мазмун-моҳияти ва аҳамияти аҳоли ўртасида тушунтирилишини таъминлаш мақсадида босма ва электрон оммавий ахборот воситалари ходимлари учун матбуот анжумани ўтказилди.

Шу билан бирга мазкур матбуот анжуманида вилоятда фаолият юритаётган идора ва ташкилотларнинг матбуот котиблари ҳам ушбу тадбирда иштирок этишди.

Тадбир очиқ мулоқот тарзида ўтказилиб, йиғилиш иштирокчилари томонидан берилган саволларга мутахассислар томонидан белгиланган тартибда жавоблар берилди.

Жорий йилнинг 10 январь куни Хоразм вилоят адлия бошқармаси ҳамда Гурлан туман адлия бўлими ходимлари томонидан Гурлан туман давлат хизмати марказида Ўзбекистон Республикаси Президентининг
2019 йил 13 августдаги “Хусусий мулкни ҳимоя қилиш ва мулкдорлар ҳуқуқларининг кафолатларини кучайтириш, тадбиркорлик ташаббусларини қўллаб-қувватлаш борасидаги ишларни ташкил қилиш тизимини
тубдан такомиллаштириш бўйича қўшимча чора-тадбирлар, шунингдек, тадбиркорлик субъектларининг молиявий ресурслар ва ишлаб
чиқариш инфратузилмасидан фойдаланиш имкониятларини кенгайтириш тўғрисида”ги ПФ-5780-сонли Фармонининг мазмун-моҳияти ва аҳамиятини тушунтириш бўйича тарғибот тадбири ўтказилди. Мазкур тадбирда давлат бошқаруви, ҳуқуқни муҳофаза қилувчи, назорат қилувчи органлар, тадбиркорлик субъектлари шунингдек, оммавий ахборот воситалари ходимлари иштирок этишди. Тадбир очиқ мулоқот тарзида ўтказилиб, иштирокчилар томонидан соҳа фаолияти бўйича берилган саволларга мутахассислар томонидан белгиланган тартибда жавоблар берилди. Тадбир тафсилотлари маҳаллий ҳамда “Ўзбекистон 24” телеканали томонидан тасвирга олинди.

Жорий йилнинг 10 январь куни Ҳазорасп туман адлия бўлими томонидан Ўзбекистон мудофага кўмаклашувчи "Ватанпарвар" ташкилоти Питнак шаҳар ўқув спорт техника клуби билан ҳамкорликда Питнак шаҳридаги 14069-сонли ҳарбий қисм ҳарбий хизматчилари,шунингдек Питнак шаҳар
2-БЎСМ, ҳамда 2 9,10-сонли умумтаълим мактаблар ўқувчилари иштирокида Ўзбекистон Республикаси президентининг 2019 йил 13 декабрь кунги
5529-сонли қарорига асосан “Ватанпарварлик ойлиги” доирасида тарғибот тадбири ўтказилди. Ўтказилган тадбир доирасида адлия бўлими ходимлари томонидан ўтказилган ҳуқуқий тарғибот тадбирлари билан бир қаторда Питнак шаҳрида жойлашган мактаб ўқувчилари ўртасида пневматик қуролдан ўқ отиш бўйича Питнак шаҳар биринчилиги ҳам ўтказилиб, ғолиб ва совриндорларга диплом ва эсдалик совғалари топширилди.