Yangiliklar

Ўзбекистон Республикаси Адлия вазирлиги томонидан “Биз коррупцияга қаршимиз” номли мегатанлов эълон қилинди.

Танлов аҳолининг ҳуқуқий онги ва ҳуқуқий маданиятини юксалтириш, жамиятда коррупцияга қарши муросасиз муносабатни шакллантириш, давлат ва жамият ҳаётининг барча соҳаларида коррупциянинг олдини олишга доир чора-тадбирларни амалга ошириш, коррупцияга оид ҳуқуқбузарликларнинг оқибатларини, уларга имкон берувчи сабаблар ва шарт-шароитларни бартараф этиш йўлларини топиш мақсадида ташкил этилди. 

Танлов қуйидаги 4 та номинация бўйича ўтказилади:

1.   “Энг яхши журналистик материал учун”;

2.   “Энг яхши блогпост учун”;

3.   “Энг яхши карикатура учун”;

4.   “Энг яхши флаер, буклет, баннер учун”;

Танловда иштирок этиш истагини билдирган ҳар бир номзод ўз ижодий материалларини, номинация номини кўрсатган ҳолда, Ташкилий қўмитанинг Ишчи органига паспорт нусхаси ва резюмеси билан биргаликда топширади.

Адлия вазирлиги Марказий аппарати масъул ходимлари, Тошкент давлат юридик университети профессор ва ўқитувчилари, таниқли журналист ва блогерлар ҳамда бошқа мутахассислардан иборат танлов ҳайъати ғолибларни аниқлайди.

Танловнинг ҳар бир йўналиши бўйича 1, 2 ва 3-ўрин ғолиблари Ташкилий қўмита томонидан қимматбаҳо совғалар билан тақдирланади.

Танловга материаллар 1 августга қадар қабул қилинади.

Танлов учун материалларни қуйидаги манзилга юборилади:

Тошкент, Сайилгоҳ 5

x.klichev@adliya.uz

Батафсил маълумот: www.minjust.uz сайтида.

Мурожаат учун телефон: 71/233-75-97 

Жорий йилнинг 11 июнь куни Хоразм вилоят ҳокимлигида вилоят адлия бошқармаси томонидан Ўзбекистон Республикаси Олий Мажлиси Қонунчилик палатаси депутатлари ҳамда Адлия вазирлиги Адлия вазирлиги хузуридаги Интеллектуал мулк агентлиги ходимлари билан ҳамкорликда “Ўзбекистон Республикасининг интеллектуал мулк ҳуқуқларини мухофаза қилиш соҳасида бир қатор халқаро шарномаларга қўшилиши муносабати билан давлат ҳокимияти ва бошқарув органлари ва бошқа субъектларга юклатилган мажбуриятлар”, шунингдек “Ўзбекистон Республикасининг интеллектуал мулк ҳуқуқларини мухофаза қилиш соҳасида халқаро шартномаларга қўшилиш тўғрисидаги қонунларнинг мазмун ва моҳияти” мавзусида семинар бўлиб ўтди.

Шунингдек мазкур семинарда вазирликлар, давлат қўмиталари ҳамда идораларнинг ҳудудий бошқармалари вакиллари, нодавлат нотижорат ташкилотлари, оммавий ахборот воситалари ходимлари иштирокида бўлиб ўтди.

Тадбир очиқ мулоқот тарзида ўтказилиб, иштирокчилар томонидан соҳа фаолияти бўйича берилган саволларга мутахассислар томонидан белгиланган тартибда жавоблар берилди.

Тадбир тафсилотлар маҳаллий телеканаллар томонидан тасвирга олинди.

2019 йил 14 май куни Ўзбекистон Республикаси Президентининг “Тадбиркорлик фаолиятини қўллаб-қувватлаш ва ҳимоя қилиш тизимини тубдан такомиллаштириш чора-тадбирлари тўғрисида”ги Фармони имзоланди, унга мувофиқ ҳар бир туман (шаҳар)да Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхоналари иш бошлайди.

Хусусан, тадбиркорларнинг, шу жумладан, чет эллик инвесторларнинг мурожаатлари билан ишлашни ташкил этиш сифати ва тезкорлигини ошириш, улар билан очиқ ва тўғридан-тўғри мулоқотни таъминлаш, уларнинг қонуний талабларини амалий ва самарали рўёбга чиқариш
ва муаммоли масалаларни ҳал этиш, ҳудудларнинг ижтимоий-иқтисодий ривожланишига реал ҳиссани кўпайтириш, аҳолининг иш билан бандлигини ошириш ва унинг моддий фаровонлигини ўстириш мазкур Фармоннинг асосий мақсади ҳисобланади.

Шунингдек, Фармон билан Бош вазирнинг Тадбиркорлар мурожаатларини кўриб чиқиш қабулхоналари ҳамда Тадбиркорлар мурожаатларини кўриб чиқиш қабулхоналари фаолиятини ташкил этиш
ва мувофиқлаштириш котибияти ташкил этилиб, улар фаолиятининг асосий йўналишлари белгилаб берилди.

Хусусан, адлия вазири Р.Давлетов раҳбарлигида ташкил этилган Республика ишчи гуруҳи томонидан жорий йилнинг 9 ва 10 июнь кунлари Фармоннинг мазмун ва моҳиятини жойларда кенг тушунтириш бўйича Хоразм вилоятининг Шовот, Хива, Боғот туманлари, шунингдек Урганч шаҳрида учрашувлар ташкил этилди.

Ўтказилган учрашувларда 700 нафардан ортиқ тадбиркорлик субъектлари ва чет эл инвесторлари иштирок этишди. Улардан 200 ортиқ мурожаатлар келиб тушди.

Мазкур мурожаатларда тадбиркорлик фаолиятини ривожлантиришга ер участкаси ва кредит ажратиш, муҳандислик-коммуникация тармоқларига уланиш, бузилган иморатларга нисбатан компенсация тўловларини ундириш ҳамда божхона ва солиқ тўловлари билан боғлиқ масалалар кўтарилди.

Мурожаатларни кўриб чиқиш давомида вазирликлар, идоралар, хўжалик бошқаруви органлари ва тижорат банкларининг фаолиятига бевосита тааллуқли бўлган айрим муаммолари жойида ҳал этилди.

Шунингдек, жойида ҳал этиш имконияти бўлмаган муаммо
ва камчиликларни туман (шаҳар) ва вилоят даражасида ҳал қилиш юзасидан қисқа ва ўрта муддатли тадбирлар режалари шакллантирилиб, мутасадди вазирлик ва идораларга тегишли топшириқлар берилди.

Шу билан бирга, Республика ишчи гуруҳининг жойларда ўтказилган учрашувлари давомида тадбиркорлик субъектлари ўзларининг қизиқтирган саволларига батафсил жавоблар олди.

Тадбир иштирокчиларининг таъкидлашича мазкур учрашувлар республиканинг барча ҳудудларида ўтказилиши режалаштирилган.

2019 йил май ойи якуни бўйича амалга оширилган ишлар таҳлилига асосан ойнинг энг яхши ходими аниқланди. Унга асосан Хоразм вилояти адлия бошқармаси Ҳуқуқий экспертиза ва юридик хизматларнинг фаолиятини мувофиқлаштириш бўлими етакчи маслаҳатчиси Жуманиязов Шавкат Бахтиёрович “Ойнинг энг яхши ходими” дея эътироф этилди ҳамда у тўғрисидаги маълумотлар “Ойнинг энг яхши ходими” бурчагига жойлаштирилди.

        Шу муносабат билан Хоразм вилояти адлия бошқармаси жамоаси Жуманиязов Шавкат Бахтиёровичнинг келгуси фаолиятига омад тилаган ҳолда унинг бошқарма фаолиятига қўшиб келаётган ҳиссаси учун чуқур миннаддорчилик билдиради.

Ойлик иш ҳақидан ташқари ижтимоий ҳимоялашга қаратилган қуйидаги чоралар ва тўловлар таъминланади:

- ойлик иш ҳақига мартаба даражалари учун ва кўп йиллик хизмати учун қўшимчалар (бундан ташқари, мукофот пули, моддий ёрдам ва бошқалар) қўшиб борилади;

- адлия органлари ходимларига бериладиган махсус унвон – мартаба даражалари берилади;

- ходимларнинг озиқ-овқат харажатларини қисман қоплаш учун ҳар ойлик компенсация тўлови (энг кам ойлик иш ҳақи миқдорида адлия бўлимлари учун);

- ходим таътилга чиққанда икки ойлик иш ҳақи фонди миқдорида моддий ёрдам пули;

- ходимга оилавий шароитига кўра ижтимоий муҳофаза қилиш тарзидаги пул маблағи (энг кам ойлик иш ҳақининг 10 баравари миқдорида);

- қишлоқ хўжалиги маҳсулотлари сотиб олиш учун йилда бир маротаба моддий ёрдам (энг кам ойлик иш ҳақининг 10 баравари миқдорида)

- турли хил концерт ва театрларга чипталар ҳамда санаторий ва бошқа даволаш муассасаларига, шунингдек болалар оромгоҳларига йўлланмалар;

- уй-жой шароитларини яхшилашга муҳтож бўлган ходимларга уй-жой сотиб олиш учун беш йилдан кўп бўлмаган муддатга ва энг кам иш ҳақининг минг баробаридан ошмаган миқдорда фоизсиз қарз ажратиш;

- ходимларга уй-жойларни ижарага олганлик (ижарада турганлик) учун компенсация тўлови;

Танловда иштирок этиш истагини билдирган номзодлар 2019 йил 20 июнь кунига қадар ўз шахсий варақасини Хоразм вилоят адлия бошқармаси Кадрлар бўлимига юборишлари лозим. Юборилаёган маълумотномада номзоднинг яшаш манзили ва телефон рақамлари тўғрисидаги ҳамда қайси иш ўрнига ҳужжат топшириш истаги ҳақидаги маълумотлар ҳам экс эттирилиши керак.

Мурожаат учун телефон: 0-362-228-65-68

ХОДИМЛАРНИ ИШГА ҚАБУЛ ҚИЛИШНИНГ УМУМИЙ ТАЛАБЛАРИ
ВА ТАНЛОВ ЎТКАЗИШ ТАРТИБИ

Меҳнат кодексининг 72-моддасида меҳнат шартномасини тузиш ҳақидаги келишувдан олдин қўшимча ҳолатлар (танловдан ўтиш, лавозимга сайланиш ва бошқалар) бўлиши мумкинлиги белгиланган. Шунингдек, “Коррупцияга қарши курашиш тўғрисида”ги Қонуннинг 19-моддасига асосан давлат бошқаруви соҳасида коррупциянинг олдини олишга доир чора-тадбирларга давлат органлари ходимларининг шахсий ва касбий сифатлар, очиқлик, беғаразлик, адолатлилик ва холислик принциплари асосида танлов бўйича саралаш тизимини жорий этиш киради.

Шунга кўра, Ўзбекистон Республикаси адлия вазирининг 2018 йил
7 июндаги 185-ум-сон буйруғи билан адлия органлари ва муассаларига ишга қабул қилишнинг танлов ўтказиш тартиби белгиланган.

Унга мувофиқ адлия органлари ва муассасаларига ходимларни ишга қабул қилиш бўйича танлов адлия органлари ва муассасаларининг кадрлар таркибини ишчанлик, шахсий ва ахлоқий фазилатлари, маълумоти даражаси ва соғлиғига кўра юклатилган вазифа ва функцияларни бажаришга лаёқатли бўлган ходимлар билан таъминлаш мақсадида ўтказилади.

Адлия органлари ва муассасаларига жинси, ёши, ирқи, миллати, тили, ижтимоий келиб чиқиши, мулкий ҳолати ва мансаб мавқеи, динга бўлган муносабати, эътиқоди, жамоат бирлашмаларига мансублигидан қатъи назар, ўзининг касбий, ишчанлик, шахсий ва ахлоқий фазилатлари, маълумоти даражаси ва соғлиғига кўра адлия органлари
ва муассасаларига юклатилган вазифаларни бажаришга қодир бўлган Ўзбекистон Республикаси фуқаролари ишга қабул қилинади.

Қонун ҳужжатларида ёки Ўзбекистон Республикаси адлия вазири томонидан тегишли лавозим ёки адлия органлари ва муассасаларининг таркибий бўлинмаси тоифаси ва ўзига хос хусусиятидан келиб чиқиб, лавозимларнинг айрим тоифаларига тайинлаш учун қўшимча талаблар (касбий тайёргарлик даражасига кўра, иш стажи ва ҳоказо) белгиланиши мумкин.

Танлов адлия органлари ва муассасаларининг раҳбарлари томонидан ташкил этиладиган Адлия органлари ва муассасаларига ишга қабул қилиш бўйича махсус комиссия (бундан буён матнда Махсус комиссия деб юритилади) томонидан ўтказилади.

Махсус комиссия тегишли адлия органи ёки муассасаси ходимлари орасидан камида беш кишидан иборат таркибда бир йил муддатга тузилади.

Адлия органлари ва муассасаларида тегишли раҳбар Махсус комиссия раиси ҳисобланади. Махсус комиссия таркибига киритилган раҳбар ўринбосарларидан бири комиссия раиси ўринбосари этиб тайинланади.

Марказий аппаратда комиссия таркиби Ўзбекистон Республикаси адлия вазири томонидан тасдиқланади.

Махсус комиссиянинг ишчи органи бўлиб адлия органлари ва муассасаларининг кадрлар соҳасига масъул таркибий бўлинмаси ҳисобланади. Махсус комиссия йиғилиши аъзоларининг камида 2/3 (учдан икки) қисми қатнашган тақдирда ваколатли ҳисобланади.

Танлов ўтказиш жараёнида номзодлар техник воситалардан фойдаланган ҳолда аудио ва видео ёзувлардан фойдаланиш қатъиян тақиқланади. Ушбу талабни бузган номзодларни ишга қабул қилиш рад этилади.

Танлов қуйидаги босқичлардан иборат:

бўш иш ўрнига танлов ўтказилиши ҳақида эълон бериш;

бўш иш ўрнига ҳужжат топширган номзодларни дастлабки ўрганиш;

номзод билан унинг назарий билимлари ва касбий лаёқатини аниқлаш юзасидан суҳбат ўтказиш;

номзоднинг назарий билимлари ва таҳлил қилиш қобилиятини тест саволлари воситасида баҳолаш (Комиссия ушбу босқични ўтказиш ёки ўтказмаслик масаласини ҳал қилади);

номзодни вазирлик марказий аппарати билан келишиш (адлия органлари
ва муассасаларининг вазирлик номенклатурасига кирадиган лавозимлари бўйича).

Меҳнат кодексининг 57-моддасида ҳар ким иш берувчига бевосита мурожаат қилиш орқали иш жойини эркин танлаш ҳуқуқига эгалиги белгиланган. Шунга кўра, номзод қайси адлия органи ёки муассасасига ишга кириш истаги бўлса,
шу адлия органи ва муассасасига бевосита танловда иштирок этиш ҳақида ариза билан мурожаат қилиши лозим.

Танловда иштирок этиш тўғрисидаги аризага қуйидаги ҳужжатлар илова қилинади:

Ходимнинг шахсий варақаси (сўровнома, анкета ёки маълумотнома-объективка);

диплом (дипломдан кўчирма)нинг нусхаси, чет элда ўқиган бўлса, дипломи нострификациядан ўтганлигини тасдиқловчи гувоҳнома, олий ёки ўрта махсус, касб-ҳунар таълим муассасаларининг битирувчи курсларида таълим олаётганлар бундан мустасно;

номзоднинг паспорт нусхаси.

Танловда қатнашиш учун номзод томонидан тақдим этилган ҳужжатлар қайтарилмайди.

Бундан ташқари, танловдан ижобий натижага эришган номзод томонидан қонун ҳужжатларида белгиланган ишга кириш учун ҳужжатлар рўйхати ўз вақтида тўлиқ тақдим қилинмаганда ёки била туриб сохта ҳужжатлар ёхуд ёлғон маълумотлар тақдим этилган тақдирда номзодни ишга қабул қилиш рад этилади. Ишга қабул қилинган ходим томонидан ишга кириш жараёнида била туриб сохта ҳужжатлар ёхуд ёлғон маълумотлар тақдим этилганлиги аниқланган ҳолларда ходимни хатти-ҳаракатлари юзасидан хизмат текшируви ўтказилади ҳамда унинг хатти-ҳаракатларига ҳуқуқий баҳо берилади.

Танловда иштирок этиш учун тақдим этилган ҳужжатлар Ишчи орган томонидан қабул қилинади.

Ариза ва унга илова қилинган ҳужжатлар белгиланган тартибда тегишли адлия органи ёки муассасасининг девонхонасида рўйхатдан ўтказилади.

Ишчи орган томонидан эълонда белгиланган ҳужжат қабул қилиш муддати тугагандан сўнг 15 календарь кун муддатда номзоднинг ҳужжатлари лавозимга қўйиладиган малака талабларига мувофиқ келиши, заруриятга қараб номзоднинг яшаш жойи, иш жойи ва ўқиш жойидан номзод ҳақидаги маълумотларни дастлабки тарзда ўрганиб чиқилади. Ўрганиб чиқиш натижаларига кўра, Ишчи орган томонидан Махсус комиссия раиси билан келишилган ҳолда танлов ўтказиш кунини белгилайди ва номзодга танлов ўтказиш вақти ва жойи ҳақида алоқа воситалари (қоида тариқасида телефон орқали) орқали етказилади.

Ўрганиш жараёнида номзодни адлия органлари ва муассасаларига ишга қабул қилиш учун тўсқинлик қилувчи ҳолатлар қонун ҳужжатларида мавжудлиги аниқланса, номзодга бу ҳақда мурожаат қилувчининг сўровига асосан алоқа воситалари орқали ёзма ёки оғзаки асослантирилган жавоб берилади.

Махсус комиссия томонидан номзоднинг назарий билимлари ва касбий лаёқатини аниқлаш юзасидан суҳбат ўтказилади.

Комиссия суҳбат жараёнида номзоднинг соҳадаги тегишли тайёргарлиги ва малакасини, шунингдек касбий лаёқати даражаси, маънавий фазилатлари, қобилиятини аниқлайди. Суҳбат жараёнида номзодга лавозим хусусиятидан келиб чиқиб компьютер саводхонлигининг минимал даражаси бўйича талабларга мувофиқлиги бўйича, шунингдек унинг шахсий ҳужжатларида келтирилган маълумотларни аниқлаштириш юзасидан саволлар ҳам берилиши, шунингдек, танлов эълон қилинган бўш иш ўрнининг хусусиятидан келиб чиққан ҳолда бошқа соҳа мутахассислари ҳам номзодга саволлар бериш ва жавоблар бўйича ўз хулосасини баён этиш учун овоз бериш ҳуқуқисиз таклиф этилиши мумкин.

Шунингдек, номзоднинг орфографик ва пунктуацион саводхонлигини баҳолаш мақсадида ёзма иш – диктант олиниши мумкин.

Номзод билан ўтказилган суҳбат натижасида ишга ёки жамоатчи ёрдамчиликка қабул қилиш рад этилган, шунингдек танловда иштирок этиши рад этилган ёки вазирлик томонидан маъқулланмаган (адлия органлари ва муассасаларининг вазирлик номенклатурасига кирувчи лавозимлар бўйича) номзод камида уч ойдан кейин такроран мурожаат қилиши мумкин.

Қуйидаги шахслар адлия органлари ва муассасаларига ишга қабул қилинмайди:

Ўзбекистон Республикаси фуқароси бўлмаган шахслар;

ўн олти ёшга тўлмаган шахслар;

белгиланган тартибда муомалага лаёқатсиз ёки муомала лаёқати чекланган
деб топилган шахслар;

илгари ўз касбий фаолиятига мос келмайдиган қилмишлар содир этганлиги учун олдинги иш жойидан белгиланган тартибда бўшатилган шахслар;

адлия органи ёки муассасасининг ишлаб турган ходими билан яқин қариндош
ёки қуда-анда бўлса (ота-оналар, ака-укалар, опа-сингиллар, фарзандлар, эр-хотинлар, шунингдек эр-хотинларнинг ота-оналари, ака-укалари, опа-сингиллари ва фарзандлари), агар ишга қабул қилинаётган ёки тайинланаётган лавозим улардан бири иккинчисига бевосита бўйсуниб ёки унинг назорати остида хизмат қилишни тақозо қилса;

ишга кириш учун сохта ҳужжатлар ёки била туриб ёлғон маълумотлар тақдим этган бўлса;

қонун ҳужжатларида белгиланган бошқа ҳолатлар.

Хоразм вилоят адлия бошқармаси томонидан Урганч шаҳри, Темир йўлчи маҳалласи, Хонқа кўчаси, 52-уй, 1-хонадонда яшовчи фуқаро У.Ю.Раджаповнинг АТ Алоқабанк Хоразм филиали томонидан “Ҳар бир оила-тадбиркор” дастури бўйича турмуш ўртоғи М.Х.Худайбергановага кредит ажратилмаётганлигидан норози бўлиб Ўзбекистон Республикаси Адлия вазирлигига қилган мурожаати кўриб чиқилди.

Ўрганиш жараёнида Ўзбекистон Республикаси Президентининг
2018 йил 7 июндаги “Ҳар бир оила-тадбиркор” дастурини амалга ошириш тўғрисида”ги ПҚ-3777-сонли Қарори ижросини таъминлаш юзасидан
АТ Алоқабанк Хоразм вилоят филиали бошлиғи номига огоҳнома киритилиб, “Ҳар бир оила-тадбиркор” дастури асосида кредит ажратиш бўйича тегишли чора-тадбирларни кўриш тўғрисида кўрсатма берилиб, вилоят адлия бошқармасининг аралашуви билан АТ Алоқабанк Хоразм вилоят филиали томонидан фуқаро У.Ю.Раджаповнинг турмуш ўртоғи М.Х.Худайбергановага дастур доирасида 23 млн. 850 минг сўм кредит ажратиш тўғрисида 117-сонли шартнома тузилганлигини ушбу маблағ суммаси пишириқ ускуналарини сотиб олиш учун “ASL KUMUSH” XKга ўтказиб берилиб, талаби қаноатлантирилди.

Хоразм вилоят адлия бошқармаси ҳамда туман (шаҳар) адлия бўлимлари томонидан 1-июнь – Халқаро болаларни ҳимоя қилиш куни муносабати билан “Бахтли болалик қонун ҳимоясида” – “Счастливое детство под защитой закона” шиори остида туман (шаҳар)ларда ёшлар билан тарғибот тадбирларини ўтказиш бўйича бир қатор ишлар амалга оширилди.

Жумладан, жорий йилнииг 24 май куни бошқарма бошлиғининг
120-ум-сонли буйруғи қабул қилиниб, хар бир туман (шаҳар)ларга бошқарманинг масъул ходимлари бириктирилди.

Туман (шаҳар) адлия бўлимлари томонидан бошқармадан бириктирилган масъул ходимлари билан биргаликда 1-июнь – Халқаро болаларни ҳимоя қилиш куни муносабати билан “Бахтли болалик қонун ҳимоясида” – “Счастливое детство под защитой закона” шиори остида ўтказилган ҳуқуқий тарғибот тадбирлари юқори савияда ташкиллаштирилди.

Хусусан, жорий йилнинг 1 июнь куни вилоятнинг барча туман (шаҳар)ларида шу жумладан, Боғот туманида - Феруз кўчасида жойлашган “Истиқлол” номли истирохат боғида, Гурлан туманида - Мустақиллик кўчасида жойлашган “Алишер Навоий” номидаги истирохат боғида, Қўшкўпир туманида - Беруний кўчасида жойлашган “Аз-Замахшарий” номидаги истирохат боғида, Урганч туманида - туман Маданият бўлими биносида, Хазорасп туманида - Навоий кўчасидаги Истиқлол маданият ва истирохат боғида, Хонқа туманида - Нафосат кўчасида жойлашган “Хожихон Болтаев” номидаги истирохат боғида, Хива туманида – Саёт маҳалласида жойлашган Саёт маданият маркази биносида, Хива шаҳрида - Нажмиддин Кубро кўчасида жойлашган “Нуруллабой” номидаги маданият ва истирохат боғида, Янгиариқ туманида - Мустақиллик кўчасида жойлашган Мустақиллик маданият ва истирохат боғида, Янгибозор туманида - Навбаҳор кўчасида жойлашган Янгибозор   истирохат боғида ва Урганч шаҳрида – “Амир Темур” номидаги истирохат боғида ёшлар билан учрашувлар бўлиб ўтди.

Ушбу тадбирларда туман (шаҳар)лар адлия бўлими ходимлари томонидан “Бола ҳуқуқлари тўғрисидаги конвенция” ҳамда 2008 йил
8 январдаги “Бола ҳуқуқларининг кафолатлари тўғрисида”ги Қонунининг мазмун-моҳияти тадбирда иштирок этган ёшларга тушунтирилди ҳамда юқоридаги норматив-ҳуқуқий ҳужжатларнинг флаерлари тадбир иштирокчиларига тарқатилди.

Бундан ташқари, туман (шаҳар)ларда яшовчи 300 нафардан ортиқ ногиронлиги бўлган болаларга, шунингдек тадбирда иштирок этган
500 нафардан ортиқ болаларга туман (шаҳар) адлия бўлимларининг эсдалик совғалари топширилди.

Шунингдек, тадбир давомида адлия бўлими ходимлари томонидан “Менинг ҳуқуқим-бахтли болалигим” акцияси ўтказилди. Ушбу акцияда жами вилоят бўйича 5 мингдан ортиқ ёшлар қамраб олинди.

Ўтказилган тадбир тафсилотлари маҳаллий телевидение орқали тасвирга олиниб ёритилиши таъминланди.

Жорий йилнинг 31 май куни Хоразм вилоят адлия бошқармаси бошлиғининг биринчи ўринбосари Қ.Машарипов ва Гурлан туман адлия бўлими томонидан туман ҳокимлигида тумандаги фуқароларнинг муаммоларини ўрганиш ва бартараф этиш борасида сайёр қабул ўтказилди. Мазкур сайёр қабулда фуқароларнинг муаммолари жойида хал қилиниб, тегишли тартибда фуқароларда мурожаатлар қабул қилинди. Шунингдек, туман ҳокимлигида оммавий ахборот воситалари иштирокида “Очиқ эшиклар” куни ҳуқуқий тарғибот тадбири ўтказилиб, фуқароларга бепул ҳуқуқий маслаҳатлар берилди ва фуқароларни қизиқтирган ҳуқуқий саволларга жавоблар берилди. Тадбир тафсилотлари маҳаллий телеканал томонидан тасвирга олинди.

Жорий йилнинг 30 май куни Шовот туман ҳокимлиги, туман адлия бўлими, Ўзбекистон ногиронлар жамияти Шовот туман бўлими ва бошқа ташкилотлар билан ҳамкорликда 1-июнь Халқаро болаларни ҳимоя қилиш кунига бағишлаб “Мафтункор ранглар олами” мавзусида имконияти чекланган болалар ўртасида бадиий-ижодий кўрик танлов бўлиб ўтди. Танлов иштирокчилари ва ғолибларига тадбир ташкилотчилари томонидан совғалар топширилди.

Хоразм вилояти адлия бошқармаси бошлиғининг 2019 йил 15 майдаги “Инсон ҳуқуқлари - олий қадрият” лойиҳаси доирасидаги буйруғи ижросини таьминлаш мақсадида жорий йилнинг 21 май куни бошқарма раҳбарияти томонидан Хонқа тумани “Ойдин хаёт” маҳалласида сайёр қабул ўтказилди. Сайёр қабулда жисмоний шахсларнинг бир қатор мурожаатлари жойида ҳал қилиниб, қолган мурожаатлар Ҳонқа туман адлия бўлими иш юритувига қабул қилинди.