Yangiliklar

Журналист Болтабой Матқурбонов Фейсбук ижтимоий тармоғи “Замонавий Хоразмликлар” гуруҳи орқали Қўшкўпир туман Ғозовот қишлоғи “Пахтакор” маҳалласида яшовчи 15 яшар ногирон қиз Сарвиноз Жумабоевага катта ногиронлик аравачаси олишда амалий ёрдам бериш, умрбод ногиронлик белгилаш ва моддий ёрдам тайинлаш ҳақидаги пости бўйича Хоразм вилоят адлия бошқармаси топшириғи асосида Қўшкўпир  туман адлия бўлими томонидан ўрганиш ўтказилиб, ногирон қиз Жумабоева Сарвинозга катта ногиронлик аравачаси олиб бориб берилиши таъминланди, умрбод ногиронлик белгилаш масаласи алоҳида назоратга олиниб, моддий ёрдам олиш бўйича мурожаат қилиш тартиби тушунтирилиб, маҳаллага мурожаат қилиниши таъминланди.
Ногиронлик аравачасини топшириш жараёнида вилоят адлия бошқармаси бошлиғи ўринбосари И.Назаров ва туман адлия бўлим бошлиғи О.Қурамбоевлар ушбу оиланинг муаммолари билан қизиқиб, уларнинг муаммоаларини ҳал қилиш юзасидан мурожаатларини сайёр қабул қилиб, мурожаат қўшимча ўрганилмоқда, ушбу оиланинг муаммоларини ҳамда мурожаатида кўрсатилган ҳолатларни ўрганиш алоҳида назоратга олинди.
Журналист Б.Матқурбонов юқоридаги пости бўйича амалий иш бажарилганлиги бўйича иккинчи пости ҳам  “Замонавий Хоразмликлар” гуруҳига жойлаштирилди.

Маълумки, ҳар йили Адлия вазирлиги тизимида “Йилнинг энг яхши адлия бўлими” ҳамда “Йилнинг энг яхши ходими” касбий танловлари ўтказилиб келинмоқда.
Танлов ҳудудий адлия бошқармалари томонидан ўтказиладиган биринчи босқич ҳамда Адлия вазирлиги томонидан ўтказиладиган иккинчи якуний босқичлардан иборат.
 Шунга асосан, Хоразм вилояти адлия бошқармасида 2020 йил якуни бўйича амалга оширилган ишлар таҳлилига асосан йилнинг энг яхши ходими ҳамда йилнинг энг яхши адлия бўлими аниқланди. Унга асосан Хоразм вилоят адлия бошқармаси Ижтимоий-иқтисодий соҳада ҳуқуқни қўллаш амалиётини ўрганиш бўлими бош маслаҳатчиси Юлдашев Мадамин Атажанович йилнинг энг яхши ходими, Янгиариқ тумани адлия бўлими йилнинг энг яхши адлия бўлими деб топилди.
Эндиликда улар мазкур касбий танловларнинг Қашқадарё вилоятида жорий йил 21-22 январь кунлари бўлиб ўтадиган республика босқичида иштирок этишади.
 Шу муносабат билан Хоразм вилояти адлия бошқармаси жамоаси Юлдашев Мадамин Атажанович ҳамда Янгиариқ тумани адлия бўлими ходимларининг келгуси фаолиятига омад тилаган ҳолда уларнинг бошқарма фаолиятига қўшиб келаётган ҳиссаси учун чуқур миннаддорчилик билдиради.

Жорий йилнинг 18 январь куни бошқарма томонидан Ўзбекистон Республикаси Президентининг 2017 йил 19 январдаги
ПҚ-2733-сон қарори билан тасдиқланган “Давлат органлари ва ташкилотларининг юридик хизмати тўғрисида”ги Низом талабларидан келиб чиқган холда, юристлар малакасини ошириш марказида малака оширган юридик хизмат ходимларига малака сертификатлар ҳамда Адлия вазирининг тегишли буйруғига асосан юридик хизмат ходимларига махсус-унвон мартаба даражалари топширилди.

Хоразм вилоят адлия бошқармаси томонидан вилоятдаги матбуот ходимлари, журналист ва блогерлар иштирокида

“Медиа маконда ҳамкорлик” мавзусида давра сухбати ўтказилди.

         Хоразм вилоят адлия бошқармаси томонидан вилоят ахборот ва оммавий коммуникациялар бошқармаси билан ҳамкорликда вилоятдаги матбуот ходимлари, журналист ва блогерлар иштирокида давра суҳбати ўтказилди.

         Мазкур тадбир адлия бошқармаси томонидан ўтган 2020 йил амалга оширилган ишларни кенг жамоатчилик эътиборига хавола қилишининг янги формати деб баҳоланди.

         Тадбирда кундалик ҳаётдаги муоммоли масалаларни кенг омма муҳокамасига олиб чиқишда журналист ва блогерларнинг роли ҳамда адлия идораларининг очиқлик ва шаффофлик йўлида амалга ошираётган ишлари алоҳида эътироф этилди.

         Шу билан бирга, давра суҳбати давомида иштирокчиларга журналистика ва блогерлик фаолиятининг ҳуқуқий асослари, соҳани тартибга солувчи қонунчиликнинг мазмун-моҳиятини очиб берувчи презентациялар тақдим этилди.

         Томонлар бу каби фикр-мулоҳазаларга бой диалог ўрнатишни келгусида давом эттириш мақсадга мувофиқлигини такидлашди.

Ҳонқа туман адлия бўлимига туманнинг “Пахтакор” МФЙда яшовчи фуқаро Г.Сапаева аввалги иш жойига ишга тиклашда амалий ёрдам беришни сўраб мурожаат қилган. Аниқланишича, Г.Сапаева 2011йилда Хонқа туман Жаннатмакон маҳалла фуқаролар йиғинига ишга кирган ҳамда 2018 йилнинг ноябрь фарзандининг икки ёшга тўлгунга қадар парвариши учун таътилга чиққан, таътилдан қайтгандан сўнг Жаннатмакон МФЙга аввалги ишга тиклаш бўйича ариза билан мурожаат қилган бўлсада, МФЙ томонидан фуқаронинг мурожаати асоссиз рад этилган. Таъкидлаш лозимки, Ўзбекистон Республикаси Меҳнат кодексининг 234-моддасига асосан болани парваришлаш таътиллари даврида аёлнинг иш жойи (лавозими) сақланиши лозим. Хонқа туман адлия бўлимининг аралашуви билан Г.Сапаева Хонқа туман Жаннатмакон МФЙга ўз лавозимига ишга тикланди.

Вилоят адлия бошқармаси томонидан Янгибозор тумани, Навбаҳор маҳалласи, Тинчлик кўчаси, 8-уйда яшовчи фуқаро Дилрабо Болтаеванинг вилоят кўп тармоқли тиббиёт марказида жаррохлик амалиёти ўтказилишида амалий (моддий) ёрдам беришни сўраб қилган мурожаати кўриб чиқилди.
Аниқланишича, Ўзбекистан Республикаси Вазирлар Махкамасининг 2017 йил 5 сентябрдаги 696-сонли “Ўзбекистан Республикаси Соғликни сақлаш вазирлиги тизимидаги тиббиёт ташкилотларида Ўзбекистон Республикаси Давлат бюджети маблағлари ҳисобига тиббий ёрдам кўрсатиш тартиби тўғрисидаги низомни тасдиқлаш ҳақида”ги қарорига асосан иккинчи жахон уруши қатнашчилари ва уларга тенглаштирилган 1 ва 2 гуруҳ ногиронлари, кам таъминланганлиги сабабли маҳалла фуқаролар йиғинларида ҳисобда турувчи ва ижтимоий касалликлар билан касалланган фуқаролар ордер орқали бепул даволаниши ҳуқуқига эга” эканлиги кўрсатилган.
Мурожаат ижроси юзасидан жалб қилинган тегишли мутахассисларнинг маълумотига асосан фуқарога нисбатан 2-гурух ногиронлик ташхиси қўйилганлиги ва бугунги кунда жаррохлик амалиётини ўтказиши зарурлиги маълум булди.
Юқоридагиларга асосан, вилоят адлия бошқармасининг аралашуви билан фуқаро Д.Болтаевага вилоят кўп тармоқли тиббиёт марказида жаррохлик амалиётини ўтказиши учун ордер берилиши таъминланди.

Соғлом турмуш тарзи давлат сиёсати даражасига олиб чиқилгани, шунингдек оммавий спортни ривожлантириш ва соғлом турмуш тарзини тарғиб қилиш масаласи бошқарма ҳодимлар томонидан жуда ижобий қарши олинди.
Бунга мисол сифатида, бошқарма “Спорт тарғиботчиси” бошчилигида бошқарма ва туман (шаҳар) адлия бўлимлари ходимлари томонидан ҳар хафтанинг пайшанба кунлари стол тенниси, шанба кунлари мини футбол мунтазам равишда йўлга қўйилди. Хохловчилар учун эса хар куни иш вақтидан сўнг бошқарма фитнес зали эшиклари очиқ.
Ўтган шанба ходимлар ўртасида минифутбол бўйича ички мусобақа ташкил этилди. Ушбу тадбирда ғолиб аниқланмаган бўлсада бир дунё ҳурсандчиликларга сабаб бўлди.
Шу билан бирга соғлом турмуш тарзини тарғиб қилиш бўйича тайёрланган репортаж ва мақолалар оммавий ахборот воситаларида ёритилмоқда.

Тупроққалъа туман адлия бўлими томонидан Тупроққалъа туман Пастом маҳалласи Ал Хоразмий кўчаси 21-уйда яшовчи фуқаро Қиличев Комилжон Шокировичнинг якка тартибдаги тадбиркорлик фаолиятини амалга оширишда II гуруҳ ногиронлиги сабабли қўлланилиши лозим бўлган солиқ имтиёзи ҳисобга олинмаганлиги, натижада солиқ тўловлари бўйича ортиқча қарздорлик юклатилганлиги юзасидан қилган мурожаати ўрганилди.
Ўрганиш жараёнида, К.Қиличевнинг Давлат хизматлари маркази орқали 2020 йил 3 февраль куни Ҳазорасп туманида якка тадбиркор сифатида рўйхатдан ўтганлиги, онлайн равишда дастурий маҳсул орқали юборилган маълумотда туман Давлат солиқ инспекциясининг маълумотлар базаси АРМНИ (жисмоний шахс) дастурий маҳсулида II гуруҳ ногиронлиги сабабли солиқ имтиёзи қўлланилиб келинганлиги, 2020 йил 27 апрель куни Тупроққалъа туман ДХМ томонидан bo.birdarcha.uz дастури орқали Тупроққалъа туманида қайта  рўйхатдан ўтганлигингиз бўйича маълумотлар туман ДСИга онлайн равишда дастурий маҳсул орқали юборилганлиги, лекин ДСИнинг маълумотлар базаси АРМНИ (жисмоний шахс) дастурий таъминотида II гуруҳ ногиронлиги сабабли қўлланилиши лозим бўлган солиқ имтиёзи ҳисобга олинмаганлиги аниқланди.
Ўрганиш куни (2020 йил 14 декабрь)да ДСИ маълумотлар базасидаги сизнинг шаҳсий ҳисоб варағида 2020 йил апрель ойидан солиқ имтиёзлар қўлланилмаётганлиги сабабли даромад солиғидан 1 711 500 сўм ҳисобланиб, 967 000 сўм тўланган ва 746 785 сўм қарздорлик, шунингдек ижтимоий солиқдан 1 226 500 сўм ҳисобланиб, 508 000 сўм тўланган ва 718 500 сўм қарздорлик мавжудлиги кўрсатилган.
Якка тадбиркор К.Қиличевнинг II гуруҳ ногиронлиги сабабли қўлланилиши лозим бўлган солиқ имтиёзи ҳисобга олинмаганлигига bo.birdarcha.uz ва ДСИнинг маълумотлар базаси АРМНИ (жисмоний шахс) дастурий таъминоти ўртасидаги онлайн маълумот юборишдаги техник камчиликлар сабаб бўлган.
Мурожаатни ўрганиш жараёнида туман ДХМ ва туман ДСИ ҳамкорлигида амалга оширилган ишлар натижасида bo.birdarcha.uz ва ДСИнинг маълумотлар базаси АРМНИ (жисмоний шахс) дастурий таъминоти ўртасидаги онлайн маълумот юборишдага техник камчиликлар бартараф қилинди.
Натижада Якка тадбиркор К.Қиличевнинг ДСИнинг маълумотлар базаси АРМНИ (жисмоний шахс) дастурий маҳсули базасига II гуруҳ ногиронлиги сабабли солиқ имтиёзи ҳисобга олиниб, унга юклатилган солиқ бўйича ортиқча қарздорлик бекор қилиниши таъминланди

Ҳазорасп туман адлия бўлими томонидан Санитария-эпидемиологик осойишталик ва жамоат саломатлиги хизматининг туман бўлими ходими Ў.А.нинг марказ томонидан махсус қўшимча рағбатлантириш тўловлари тўланмаётганлигидан норози бўлиб қилган мурожаати кўриб чиқилди.
Мурожаатни кўриб чиқиш натижасида, марказ томонидан ходим Ў.А.жорий йилнинг май-июль ойларида коронавирус инфекцияси тарқалишига қарши курашиш тадбирларига жалб қилиниб, ушбу тадбирларда иштирок этган бўлишига қарамасдан, ушбу фаолият даври учун унгатўланиши лозим бўлган жами 26830855 сўм миқдоридаги махсус қўшимча рағбатлантириш тўлови ўз вақтида тўланмасдан келиниб, Ўзбекистон Республикаси Президентининг 2020 йил 26 мартдаги ПҚ-4652-сон “Коронавирус инфекцияси тарқалишига қарши курашишга жалб қилинган тиббиёт ва санитария-эпидемиология хизмати ходимларини қўллаб-қувватлашга оид қўшимча чора-тадбирлар тўғрисида”ги қарори,  Коронавирус инфекцияси тарқалишига қарши курашиш тадбирларига жалб қилинган тиббиёт, санитария-эпидемиология хизмати ва бошқа ходимларни қўшимча моддий рағбатлантириш тартиби тўғрисидаги вақтинчалик низом талаблари бузилишига йўл қўйилганлиги аниқланди ва Санитария-эпидемиологик осойишталик ва жамоат саломатлиги хизматининг туман бўлими бошлиғи номига қонун ҳужжатларининг бузилиши, уларнинг сабаблари ва бунга олиб келувчи шарт-шароитларни бартараф этиш, шу жумладан ходимга тўланиши лозим бўлган махсус рағбатлантириш тўловларини тўланишини таъминлаш тўғрисида тақдимнома киритилди.
Мазкур тақдимнома муҳокамаси натижасида ходимга қонун ҳужжатларига асосан тўланиши лозим бўлган 26830855 сўм миқдоридаги махсус қўшимча рағбатлантириш тўловлари тўланиши таъминланиб, ходимнинг бузилган ҳуқуқи тикланди.