Yangiliklar

Якка тадбиркор Зарипов Бобурбек Равшанович Урганч шаҳар адлия бўлимига мурожаат қилиб, унда шаҳардаги Амударё кўчаси “Чолиш деҳқон бозори” МЧЖ ҳудудида жойлашган ўзига тегишли бўлган устахона биноси ва ер майдони давлат ҳамда жамоат эҳтиёжлари учун 2017 йилда бузиб олиниши эвазига шаҳар ҳокимлиги томонидан келишувга асосан компенсация сифатида берилиши лозим бўлган ер майдони ажратиб берилмасдан келинаётганлиги, оқибатда мебель жиҳозлари ишлаб чиқаришга мўлжалланган тадбиркорлик фаолияти иқтисодий ночор аҳволи келиб қолганлиги натижасида тугатилиб, шу кунга қадарли 20 млн. сўм моддий ва 10 млн. сўм маънавий зарар кўрганлигини, шу сабабли шаҳар ҳокимлигидан ер майдони ажратиб берилиши ҳамда моддий ва маънавий зарарни ундиришда амалий ёрдам беришни сўраган.
Аниқланишича, Урганч шаҳар худуди инфратузилмасини қайта қуриш, реконструкция қилиш ва ободонлаштириш ишларини олиб бориш учун 2013-2017 йиллар учун ишлаб чиқилган Давлат дастурига биноан шаҳар бош режасига асосан фуқаро Б.Зариповга тегишли, Урганч шаҳар Амударё кўчаси “Чолиш деҳқон бозори” МЧЖ ҳудудида жойлашган устахона биноси бузиб, ер майдони давлат ҳамда жамоат эҳтиёжи учун олиниши эвазига томонлар, Ўзбекистон Республикаси Уй-жой кодексининг 27-28-моддалари, Вазирлар Маҳкамасининг 2006 йил 29 майдаги 97-сонли (2020 йил 1 январга қадар амалда бўлган) қарори билан тасдиқланган “Давлат ва жамоат эҳтиёжлари учун ер участкаларини олиб қўйилиши муносабати билан фуқароларга ва юридик шаҳсларга етказилган зарарларни қоплаш тартиби тўғрисида”ги Низоми асосида, Урганч шаҳар ҳокимлиги ва фуқаро Б.Зарипов ўртасида 2017 йил 14 февраль куни Урганч шаҳрини марказий кисмини реконструкция килиниши муносабати билан йиқиб олиниши белгиланган нотурар жойнинг компенсация тури ва микдори юзасидан келишув шартномаси тузилган.
Келишув шартномасининг 3.1-бандида фуқаро Б.Зариповга тегишли Урганч шаҳар Амударё кўчаси “Чолиш деҳкон бозори” МЧЖ ҳудудида жойлашган устахона биноси Урганч шаҳар бош режасига асосан давлат ва жамоат эҳтиёжлари учун бузиб олиниши эвазига, компенсация сифатида барча етказилган зарарларни оплаш учун Урганч шаҳар ҳокимлиги Урганч шаҳар, 181а-квартал ҳудудидан икки қаватли, биринчи қавати савдо ва маиший хизмат кўрсатиш шахобчаси, иккинчи қавати турар-жой қуриш учун 400 кв.метрдан иккита, жами 800 кв.метр ҳамда Урганч шаҳар Амударё кўчаси ҳудудидан жойлаштирилиши режалаштирилаётган савдо ва маиший хизмат кўрсатиш шаҳобчаси қуриш учун 100 кв.метр ер мадони ажратиб бериш мажбуриятини олган.
Шартноманинг 4.1-бандига эса келишув шартномаси имзолангандан кейин нотурар биноси бузилаётган Б.Зариповга мазкур шартноманинг 3.1-бандида кўрсатилган тартибда ва муддатларда ер майдони ажратиб бериш мажбуриятини олиб, унга Урганч шаҳар, 181а-квартал ҳудудидан икки қаватли, биринчи қавати савдо ва маиший хизмат кўрсатиш шахобчаси, иккинчи қавати турар жой қуриш учун 400 кв.метрдан иккита, жами 800 кв.метр ер майдони ажратиб берилган бўлсада, қадар шаҳар ҳокимлиги томонидан келишув шартномасига асосан компенсацияси сифатида ажратиб берилиши лозим бўлган Урганч шаҳар Амударё кўчаси ҳудудидан жойлаштирилиши режалаштирилаётган савдо ва маиший хизмат кўрсатиш шаҳобчаси қуриш учун 100 кв.метр ер майдони ажратиб берилмаган.Урганч шаҳар адлия бўлими томонидан фуқаролик ишлари бўйича Урганч туманлараро судига Урганч шаҳар ҳокимлигидан 14.02.2017 йил кунги келишув шартномасига асосан Зарипов Бобурбек Равшановичга келишув шартномасига асосан ажратилиши лозим бўлган Урганч шаҳар Амударё кўчаси ҳудудидан жойлаштирилиши режалаштирилаётган савдо ва маиший хизмат кўрсатиш шаҳобчаси қуриш учун 100 кв.метр ер майдони ажратиш ҳамда моддий ва маънавий зарар пулларини ундириш ҳақида ҳал қилув қарори чиқаришни сўраб даъво аризаси киритилди ва фуқаролик ишлари бўйича Урганч туманлараро судининг 07.12.2020 йилдаги ҳал қилув қарорига асосан Б.Зариповга Урганч шаҳар Амударё кўчаси ҳудудидан жойлаштирилиши режалаштирилаётган савдо ва маиший хизмат кўрсатиш шаҳобчаси қуриш учун 100 кв.метр ер майдони ажратиш ҳамда 2,0 млн. сўм моддий ва маънавий зарар пулларини ундириш белгиланиб, тадбиркорнинг талаби қаноатлантирилди.

1948 йил 10 декабрь куни Бирлашган Миллатлар Ташкилоти Бош Ассамблеясининг 3-сессиясидаги резолюцияга биноан, Инсон ҳуқуқлари умумжаҳон декларацияси қабул  қилинган.
1950 йили БМТ томонидан ушбу кунни Инсон ҳуқуқлари куни сифатида нишонлаш белгиланди. Декларация инсонларнинг барчасига бирдек тегишли бўлган ҳуқуқларини ўз ичига олган бўлиб, шу кунгача дунёнинг 500 дан ортиқ тилига таржима қилинган.
 Мазкур халқаро ҳужжат ҳар бир инсоннинг шахсий дахлсизлиги, мулк, эътиқод ва сўз эркинлигини, фуқаролик, давлат бошқарувида қатнашиш, сайлаш ва сайланиш, оила, меҳнат ва дам олиш, таълим, тиббий ва ижтимоий хизматлардан фойдаланиш, маданият ва санъат асарларидан баҳра олиш ҳуқуқларини ҳимоя қилади.
БМТ шафелигида ушбу кун ҳар йили муайян мавзу доирасида ўтади. 2020 йилда бу кун "Инсон ҳуқуқлари ҳимоясининг таъминотида янада самарали тикланиш” шиори остида ўтмоқда.
10 декабрь – Халқаро инсон ҳуқуқлари куни муносабати билан вилоят адлия бошқармаси томонидан олий таълим муассасаларида инсон ҳуқуқларини ҳимоя қилишга оид, шу жумладан, одам савдосига қарши кураш ҳамда мажбурий меҳнат бўйича ёшлар билан тарғибот тадбири ўтказилди.
Тадбирда Адлия вазирлиги томонидан тайёрланган буклет ва флаерлар йиғилиш иштирокчиларига тарқатилди.

1992-yil 10-dekabr “O’zbekiston Respublikasining Davlat madhiyasi to’g’risida”gi qonun qabul qilingan kun. O’zbekiston Respublikasining Davlat madhiyasi qabul qilinganligiga bu yil 28 yil to’ldi.
Shu o’rinda, madhiya so’zining lug’aviy ma’nosiga ham qisqacha to’xtalib o’tish joiz. Madhiya so’zi arab tilidan olingan bo’lib, maqtov, ta’rif degan ma’nolarni anglatadi. Ya’ni madhiya biror shaxs, voqea yoki narsaning maqtoviga bag’ishlangan badiiy asar demakdir. Davlat madhiyasi esa davlat gerbi va davlat bayrog’i bilan bir qatorda davlat rasmiy ramzi hisoblanadigan she’riy-musiqiy tantanavor asardir.
Davlat madhiyasining muallifi O’zbekiston Qahramoni, O’zbekiston xalq shoiri Abdulla Oripov bo’lib, musiqasini O’zbekiston xalq artisti, atoqli bastakor Mutal Burhonov yaratgan. Madhiyada xalqimizning ezgu orzu-umidlari, kelajakka mustahkam ishonchi teran ifodalangan. Unda mardona va sharaflarga boy o’tmishimiz, milliy an’ana va qadriyatlarimiz, tinchlik, osoyishtalik, millatlararo totuvlik va birodarlik kabi umuminsoniy tuyg’ular tarannum etilgan.
O’zbekiston davlat madhiyasi yangraganda, “Serquyosh” so’zi jaranglashi bilan butun vujudimizda ajib entikish, dilimizda cheksiz iftixor tuyg’usini his qilamiz. Chunki unda yurtimiz tarovati, buyuk kelajak barpo etish yo’lida fidokorona mehnat qilayotgan xalqimizning orzu-intilishlari, O’zbekistonimizning jahon hamjamiyatida tobora yuksalib borayotgan obro’-e’tibori, hech kimdan kam bo’lmay, kelajakka qat’iy ishonch bilan intilayotgan yoshlarimizning azm-u shijoati aks etgan.
Madhiya faqat madh etish uchun emas, balki e’tiqodning ifodalanishidir. Davlat ramzlarida xalqning azaliy orzulari, uning ezgu niyatlari, bugungi hayot mazmuni aks etadi. O’zbekiston Respublikasining Davlat madhiyasi mustaqillikka e’tiqodni targ’ib qiladi. Uning matni fuqarolarimizni mustaqil davlat qurish yo’lida matonat va jasoratga, sabr-toqat va fidokorlikka, tashabbuskorlik va kurashga chaqiradi, milliy g’ururni uyg’otadi. Madhiyamiz bayramlar, siyosiy chiqishlar, sport anjumanlari, rasmiy davlat qabullari, ahamiyatli mitinglar, turli davlat boshliqlarini kutib olish va kuzatish marosimlari hamda qonun bilan belgilangan boshqa hollarda ijro etilib, davlat suverenitetiga e’tiqod va hurmatni rasmiy musiqa hamda matn bilan ifoda etadi. Yurtimiz vakillari ishtirok etadigan xalqaro miqyosdagi siyosiy, iqtisodiy, madaniy-ma’rifiy tadbirlar va sport musobaqalarida mazkur shukuhli tarona jaranglaganda qalbimiz faxr-u iftixorga to’ladi.
“O’zbekiston Respublikasining Davlat madhiyasi to’g’risida”gi qonunning 13-moddasida quyidagilar mustahkamlab qo’yilgan: “O’zbekiston Respublikasining fuqarolari, shuningdek, O’zbekistonda turgan boshqa shaxslar O’zbekiston Respublikasining Davlat madhiyasini hurmat qilishi shart. O’zbekiston Respublikasining Davlat madhiyasi to’g’risidagi qonun hujjatlarini buzganlikda aybdor shaxslar belgilangan tartibda javobgar bo’ladi”. Shunday ekan, har birimiz barcha davlat ramzlari qatori madhiyamizga bo’lgan hurmatni ham qalbimizga jo qilishimiz zarur.
Yuksak vatanparvarlik tuyg’usini o’zida mujassam etgan madhiyamiz bugun ta’lim maskanlarida yosh avlodning vatanga muhabbat ruhida kamol topishiga xizmat qilmoqda.
Xulosa o’rnida aytish joizki, istiqlolimizni, yurtimizning kuch-qudrati, xalqimizning aql-zakovati, ajdodlarimizning shon-shuhrati va avlodlarimizning yorug’ kelajagini sharaflovchi bu tarona asrlar osha baralla yangrayveradi.

Адлия вазирлиги, Коррупцияга қарши курашиш миллий кенгаши, Коррупцияга қарши курашиш агентлиги, Бош прокуратура, БМТ Тараққиёт Дастурининг Ўзбекистондаги ваколатхонаси, БМТ гиёҳванд моддалар ва жиноятчилик бўйича бошқармасининг Марказий Осиёдаги минтақавий ваколатхонаси, “Регионал диалог” халқаро нодавлат ташкилоти ҳамкорлигида ташкил қилинган “Коррупцияни биргаликда енгамиз!” танлови якунланди.  
“Ёшларда коррупция ва бошқа ҳуқуқбузарликларга қарши муросасизлик туйғусини шакллантиришга қаратилган” иншолар танловининг республика босқичи натижасига кўра Хоразм вилояти, Хазорасп тумани, 45-мактабнинг 9-синф ўқувчиси  Ражабова Мохинур Худайберган қизи фахрли иккинчи ўринни эгаллади ва унга Адлия вазирлигининг сертификати берилди ҳамда самсунг планшети билан тақдирланди.

Барчамизга маълумки “9 декабрь - халқаро коррупцияга қарши курашиш куни” ҳисобланади.
Шу муносабат билан бошқарма масъул ходимлари томонидан
бугун коррупцияга қарши курашиш бўйича бир қатор ҳуқуқий тарғибот тадбирларига амалга оширилди.
Тарғибот тадбирлари дастлаб Урганч шаҳрида жойлашган йирик савдо мажмуаларида аҳоли ўртасида бошқарма масъул ходимлари ҳамда Хоразм вилоят юридик техникумининг талабаларидан иборат Волонтёр ёшлар тарғибот гуруҳлари иштирокида “Коррупцияга йўқ дейлик” ва “Ёшлар коррупцияга қарши” шиорлари остида тарғибот акция ва флешмоблари ўтказилди.
Шунингдек, тадбирларда Адлия вазирлиги томонидан тайёрланган буклет ва флаерлар фуқароларга тарқатилди.
Бундан ташқари, коррупцияга қарши курашиш соҳасида мамлакатимизда амалга оширилаётган ижобий ўзгаришлар тўғрисида маҳаллий телеканалнинг “Хоразм 24” кўрсатувига махсус интервью берилди ҳамда радио орқали чиқишлар қилинди.
Шу куннинг ўзида Хоразм вилоят Юридик техникумида коррупцияга қарши курашиш тўғрисидаги Ўзбекистон Республикаси Қонунининг мазмун-моҳияти ва аҳамиятини тушунтириш юзасидан давра суҳбати ташкил қилинди.
Албатта барча тадбирлар карантин қоидаларига қатъий риоя қилган ҳолда амалга оширилиб келмоқда.

Ўзбекистон Республикаси адлия вазирлиги томонидан 2020 йил 15 июлда тасдиқланган “Ўзбекистон Республикаси “Адлия органлари ва муассасаларида коррупцияга қарши курашиш соҳасида фаолият натижалари тўғрисида кенг жамоатчиликни хабардорлигини ошириш бўйича Медиа-режа” ижросини таъминлаш мақсадида, шу йилнинг 9 декабрь куни Урганч шаҳрида жойлашган йирик савдо мажмуаларида "9 декабрь - халқаро коррупцияга қарши курашиш куни" муносабати билан аҳоли ўртасида бошқарма масъул ходимлари ҳамда Хоразм вилоят юридик техникумининг талабаларидан иборат "Волонтёр"лар иштирокида “Коррупцияга йўқ дейлик” ва “Ёшлар коррупцияга қарши” шиорлари остида акция ва флешмоблар ўтказилди. Тадбир жараёнида Адлия вазирлиги томонидан тайёрланган буклет ва флаерлар фуқароларга тарқатилди.

Ўзбекистон Республикаси адлия вазирлиги томонидан 2020 йил 15 июлда тасдиқланган “Ўзбекистон Республикаси “Адлия органлари ва муассасаларида коррупцияга қарши курашиш соҳасида фаолият натижалари тўғрисида кенг жамоатчиликни хабардорлигини ошириш бўйича Медиа-режа” ижросини таъминлаш мақсадида, шу йилнинг 7 декабрь куни "9 декабрь - халқаро коррупцияга қарши курашиш куни" муносабати билан бошқарманинг маъмурий биносида "Очиқ эшиклар куни" тарғибот тадбири ўтказилди. 
Тадбирда Хоразм вилоят юридик техникуми талабалари иштирок этишди. 
Шунингдек тадбир жараёнида бошқарма бўлимлари фаолияти ва бошқарма кутубхонасидаги ҳуқуқий масалаларга оид китоблар ҳамда бадиий мавзудаги китоблар иштирокчиларга таништирилди.

Шу йилнинг 4 декабрь куни Хоразм вилоят телерадиокомпанияси билан ҳамкорликда вилоят адлия бошқармаси, Хоразм вилоят юридик техникуми ҳамда Тупроққалъа туман адлия бўлими ходимлари иштирокида 8 декабрь Ўзбекистон Республикаси Конституцияси қабул қилинганлигининг 28 йиллиги муносабати билан "Конституция марафони" номли махсус кўрсатув тайёрланди.

Жорий йилнинг 27-28 ноябрь кунлари Хоразм вилоят юридик техникумида мини футбол бўйича бошқарма турнири бўлиб ўтди. Унда жами 4 та жамоа, шундан бошқармадан ва юридик техникумдан 1 тадан, туман (шаҳар) адлия бўлимларидан 2 та жамоа иштирок этишда. Турнир натижасига кўра 3-ўринни адлия бўлимининг биринчи жамоаси, 2-ўринни Хоразм вилоят юридик техникуми жамоаси ҳамда 1-ўринни Хоразм вилоят адлия бошқармаси жамоаси эгаллади. Ғолиб жамоаларги диплом ва эсдалик соғалари бошқарма бошлиғи томонидан топширилди.

Адлия вазирлиги томонидан эълон қилинган “Биз коррупцияга қаршимиз” мегатанлови доирасида ўтказилаётган “Коррупция – тараққиёт кушандаси” умуммиллий иншолар танлови иқтидорли ёшларни яна бир карра синовдан ўтказди. Мазкур танловнинг туман (шаҳар) ва вилоят босқичларида Хоразм вилоятидаги умумий ўрта таълим мактаблари, лицей, касб-ҳунар мактаблари ва техникумлар ўқувчилари, шунингдек олий таълим муассасаси талабалари фаол иштирок этдилар.
Танловнинг вилоят босқичи юқори савияда ташкил қилиниб, ғолиблар саралаб олинди. Ғолибларга Хоразм вилоят адлия бошқармасининг дипломлари топширилди.
Эслатиб ўтамиз республика босқичида ғолиб бўлган ёшлар Конституция куни ҳамда Халқаро коррупцияга қарши кураш куни арафасида эълон қилинади.