Yangiliklar

Жорий йилнинг 16 апрель куни “Хоразм вилояти Фавқулодда вазиятлар бошқармаси Давлат ёнғин назорати органининг мансабдор шахслари томонидан тадбиркорлик субъектлари фаолиятини текширишда қонунийликни таъминлаш хамда текширув ўтказишда юзага келаётган муаммолар” мавзусида ўқув-амалий семинар ўтказилди.
Ўзбекистон Республикаси Президенти ҳузуридаги тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил девонининг ходими, Хоразм вилояти суди, вилоят Адлия бошқармаси ҳамкорлигида ташкил этилган тадбирда вилоят фавқулодда вазиятлар бошқармаси тизимидаги мансабдор ва маъсул ходимлар иштирок этишди.

Ҳазорасп туман адлия бўлими томонидан жорий йилнинг март ойида ижтимоий-иқтисодий шароити оғир бўлган чека, олис-оғир маҳала ҳисобланмиш Ҳазорасп туман “Оқ майдон” маҳалла фуқаролар йиғинида “Аёллар ва ёшлар” дафтаридаги фуқаролар билан учрашиб сайёр қабул ўтказилди.
Ўтказилган сайёр қабул жараёнида, фуқаролар томонидан 10 та тикувчилик йўналиши бўйича тадбиркорлик фаолият тури билан шуғуланмоқчи бўлган фуқароларга туман Халқ банки томонидан кредит маблағи ажратиш тўғрисидаги мурожаати бўлим иш юритувига қабул қилиниб кўриб чиқилди.
Мазкур мурожаатни кўриб чиқиш натижасида адлия бўлимининг аралашуви билан, жорий йилнинг 10 апрель куни АТ “Халқ банки” Ҳазорасп филиали томонидан тумандаги “Оқ майдон” маҳалласида яшовчи  “Аёллар ва ёшлар дафтари”га киритилган 10 та фуқаролар М.Маткаримова, Д.Қурёзова, З.Абдуллаева, Г.Авазмуродова, Ф.Раззақова, З.Машарипова, О.Эшниёзова, М.Хўжабоева, З.Йўлдошева, М.Раджаповаларга имтиёзли кредит маблағи ажратиш тўғрисида ҳужжатлари расмийлаштирилиб, таъминотчиларга тикув машиналарини етказиб бериш учун кафолат хатлари берилиши таъминланди.

Ўзбекистон Республикаси Вазирлар Маҳкамасининг 2019 йил 20 декабрдаги 1023-сон қарори билан тасдиқланган “Тадбиркорлик ва шаҳарсозлик фаолиятини амалга ошириш учун ер участкаларини электрон онлайн-аукцион орқали бериш тартиби тўғрисида”ги Низомнинг74-бандига мувофиқ, давлат хизматлари марказлари, прокуратура ва адлия органларига давлат органлари ва бошқа ташкилотлар томонидан низом талабларига сўзсиз риоя этилиши бўйича тизимли назорат ва мониторингни амалга ошириш вазифаси юклатилган.
Шовот туман ҳокимлиги томонидан Низомнинг8-банди талабларига риоя қилинмаганлиги аниқланди.
Хусусан, Низомнинг 7-бандида қурилиш органлари томонидан амалга ошириладиган ишларнинг қиймати, яъни архитектура ва режалаштириш топшириғини (кейинги ўринларда АРТ деб юритилади) ишлаб чиқиш учун — энг кам базавий ҳисоблаш миқдорининг тўрт баравари миқдорида белгиланиши, ушбу Низомнинг 8-бандида АРТни ишлаб чиқиш қиймати туман (шаҳар) ҳокимлиги томонидан маҳаллий бюджетнинг қўшимча манбалари ҳисобидан АРТ ишлаб чиқилган кунда тўлиқ тўлаб берилиши белгиланган.
Ўзбекистон Республикаси Вазирлар Маҳкамасининг 2020 йил
7 февралдаги 01/1-2631-сонли хатида туман ва шаҳарлар ҳокимлари уч кун муддатда маҳаллий бюджетнинг қўшимча манбалари ҳисобидан қурилиш органларига ишлаб чиқилган архитектура ва режалаштириш топшириғи учун энг кам базавий ҳисоблаш миқдорининг тўрт баравари (ҳар бир АРТ учун 892 минг сўм) қийматида маблағ ажратиш бўйича фармойишни қабул қилиш ва тўловларнинг ўз вақтида амалга оширилишини таъминлаш топширилган.
Қурилиш органи томонидан жорий йилнинг 1 февраль кунига қадар жами 400 та, умумий қиймати 356.800.000 сўмлик архитектура ва режалаштириш топшириғи (АРТ) ишлаб чиқилган.
Бироқ, туман ҳокимлиги томонидан жорий йилнинг 1 февраль ҳолатига қурилиш органи томонидан ишлаб чиқилиб,«YERELEKTRON» ААТга киритилган жами 332 та умумий қиймати 296.126.160 сўмлик маблағлар тўлаб берилмаган ҳамда маблағ ажратиш бўйичафармойиш қабул қилинмаган.
Шулардан келиб чиқиб, Шовот туман ҳокимлигидан қурилиш органи томонидан жорий йилнинг 1 февраль ҳолатига ишлаб чиқилиб,“YERELEKTRON” ААТга киритилган жами 332 та, умумий қиймати 296.126.160 сўмлик АРТ ишланганлик учунтўланмаганмаблағларни вилоят Қурилиш бош бошқармаси ҳисобига ундириш бўйича Шовот туманлараро иқтисодий судига даъво ариза киритилди.
Мазкур даъво ариза суд томонидан кўриб чиқилиб тўланмасдан турган 296.126.160 сўмлик маблағлар вилоят Қурилиш бош бошқармаси ҳисобига ундириш юзасидан ҳал қилув қарори қабул қилинди.

Ўзбекистон Республикаси Президентининг 2020 йил 30 октябрдаги “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги ПФ-6099-сонли Фармонининг тумандаги давлат органлари ва ташкилотларида бажарилиши аҳволи Ҳонқа туман адлия бўлими томонидан мониторинг қилинди.
Фармоннинг 13-бандида 2021 йил 1 январдан барча давлат органлари ва ташкилотларида соғлом турмуш тарзи ва оммавий спортни ривожлантириш мақсадида меҳнат жамоаларида фаолият юритаётган ходимга “Спорт тарғиботчиси” қўшимча вазифасини юклаш ва унинг базавий лавозим маошига 20 фоиз миқдорида устама белгилаш йўлга қўйилиши ҳамда мазкур Фармоннинг 1-иловасининг 6-бандига асосан ушбу маблағларни молиялаштириш бюджетдан ташқари маблағлар ва қонун ҳужжатларида тақиқланмаган бошқа манбалар ҳисобидан амалга оширилиши белгиланган.  
Мониторинг натижаси бўйича Фармоннинг ушбу банди бажарилмаганлиги ҳолати бўйича тегишли ташкилотларга тақдимномалар киритилди.
Тақдимнома ижроси бажарилмаган ҳолат юзасидан фуқаролик ишлари бўйича Урганч туманлараро судига суд буйруғи тартибида аризалар киритилиб, туман СЭО ва ЖСХ бўлимида ишловчи фуқаро Ж.З.Сабировнинг устама ҳақлари суд орқали ундириб берилиши таъминланди.

Жорий йилнинг 9 апрель куни Ҳазорасп туман адлия бўлими томонидан Ўзбекистон Республикаси адлия вазирининг 2021 йил 25 мартдаги 105-ум сонли буйруғин таъминлаш ҳақида Ҳазорасп туман ҳокимлиги биносида семинар тарғибот тадбири ўтказилди.

Ўтказилган тадбирда Ўзбекистон Республикаси Президентининг 2021 йил 23 мартдаги “Аҳоли ва тадбиркорлик субъектларига давлат хизматларидан фойдаланишда янада қулай шароитлар яратиш, бу борада бюрократик тўсиқларни қисқартириш бўйича қўшимча чора-тадбирлар тўғрисида”ги Фармони ҳамда янги қабул қилинган норматив хуқуқий хужжатлар мазмун-мохияти тушунтириб ўтилди.

Туман адлия бўлими томонидан жорий йилнинг март ойида, Янгибозор тумани “Боғолон” маҳалласи “Соатсозлар” кўчаси 14-уйда яшовчи фуқаро М.Абдиеванинг
1-гуруҳ ногирони бўлган қайнопаси Н.Эшчановага бир неча йиллардан буён қараб келаётганлиги ҳамда “Қадрият” маҳалласи “Биллур” кўчаси 32-уйда яшовчи фуқаро О.Саидмахмудованинг 93 ёшли қайнонасига қараб келаётган (парваришлаётган) даврлари иш стажига киритилиши юзасидан ёрдам сўраб қилган мурожаати кўриб чиқилди.

Бинобарин, Ўзбекистон Республикасининг “Фуқароларнинг давлат пенсия таъминоти тўғрисида”ги Қонунининг 37-моддасида, иш стажига қўшиб ҳисобланадиган меҳнат фаолияти турлари кўрсатилган бўлиб, “д” бандида, I гуруҳ ногиронига ёки 16 ёшгача бўлган ногирон болага, шунингдек ўзгаларнинг парваришига муҳтож бўлган (даволаш муассасасининг хулосасига кўра) 80 ёшга тўлган қарияларга қараб турилган вақт иш стажига қўшиб ҳисобланиши белгиланган.

Мазкур мурожаатлар белгиланган тартибда бўлим томонидан ўрганилиб, Бюджетдан ташқари пенсия жамғармасига бўлимига кўрсатма берилиб, Ўзбекистон Республикасининг “Фуқароларнинг давлат пенсия таъминоти тўғрисида”ги Қонунининг 37-моддасида “д” бандига мувофиқ мурожаат муаллифларига иш стажи юритилиши таъминланди.

Янгибозор туман адлия бўлими томонидан “Yoshlar-kelajagimiz” жамғармаси Янгибозор туман филиали собиқ ишчи ходимлари Д. Ўразбаев, А.Хажибаевларнинг штатлар қисқартрилиши муносабати билан 2020 йил 30 сентябрь кунидан ишдан бўшаганликлари ва яшаш жойидаги меҳнат органидан иш қидираётган шахс сифатида рўйхатдан ўтганликларини билдириб ҳозирги кунгача ишдан бўшатиш нафақаси ва қўшимча кафолатлар бўйича моддий мадад пули берилмаганлигидан норози бўлиб қилган мурожаати кўриб чиқилди.
Аниқланишича, иш берувчи томонидан Ўзбекистон Республикаси Меҳнат кодексининг 102-моддаси тартибида ходимларга огоҳлантриш хати берилиб,  ходимлар билан тузилган меҳнат шартномаси Ўзбекистон Республикаси Меҳнат кодексининг 100-моддаси 2-қисми 1-бандига мувофиқ ишчи ходим билан меҳнат шартномаси (технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони (штати) ёки иш хусусиятининг ўзгаришига олиб келган ишлар ҳажмининг қисқарганлиги ёхуд корхонанинг тугатилганлиги муносабати билан) бекор қилинган ва мазкур филиалнинг ҳисобчиси зиммасига тегишли тўловларни амалга ошириш юклатилган.
Бироқ, меҳнат шартномаси алоҳида асосларга кўра бекор қилинган Филиалнинг собиқ ишчи ходимлари Д. Ўразбаев, А.Хажибаевларга Ўзбекистон Республикаси Меҳнат кодексининг 109-моддаси тартибида ишдан бўшатиш нафақаси ҳамда 67-моддаси тартибида ишдан бўшатилгандан кейин иккинчи, учинчи ойлар учун берилиши лозим бўлган моддий мадад пулини тўлаб бериш чоралари ўрганиш кунигача кўрилмаган.
Аниқланган қонунбузилиш ҳолатларини бартараф этиш юзасидан Янгибозор туман адлия бўлими томонидан “Yoshlar-kelajagimiz” жамғармаси Хоразм вилояти филиали бошлиғи номига қонун ҳужжатларининг бузилиши, уларнинг сабаблари ва бунга олиб келувчи шарт-шароитларни бартараф этиш тўғрисида тақдимнома киритилиши натижасида ходимларнинг жами 11.008.821 сўмлик моддий мадад пуллари тўлаб берилиши таъминланди.

2021 йилнинг 02 апрель куни Хоразм вилоят адлия бошқармаси томонидан 2 апрель – Халқаро болалар китоби куни муносабати билан “Фарзандларимизга китоб совға қилайлик” шиори остида китоб ярмаркаси ташкил этилди.

Бундай тадбирларни ўтказишдан мақсад ёш авлоднинг китобга бўлган муҳаббатини кучайтириш ҳамда бадиий асарлар орқали уларнинг тафаккурига зиё нурини жо қилиш, уларнинг салоҳиятини янада юксалтириш хисобланади.

Боғот туман “Ўзбекистон” маҳалласида яшовчи фуқаро Рўзимова Зухранинг ишга жойлашиш ёки ишсизлик нафақаси тайинлаш масаласида амалий ёрдам беришни сўраб қилган мурожаати туман адлия бўлими томонидан кўриб чиқилди.
    Ўзбекистон Республикасининг 2020 йил 20 октябрдаги “Аҳоли бандлиги тўғрисида” ги Қонуни Қонуннинг 8-моддасида – иш қидираётган шахсларни ва ишсиз шахсларни ишга жойлаштириш, шунингдек аҳолини ҳақ тўланадиган жамоат ишларига жалб этиш жараёнлари мониторингини амалга ошириш вазифаси юклатилган бўлиб, қонун ижросини таъминлаш ва фуқаро З.Рўзимова мурожаатига кўра, уни иш билан таъминлаш масаласини кўриб чиқиш бўйича Боғот туман аҳоли бандлигига кўмаклашиш марказига тегишли кўрсатмалар берилди.
   Мурожаат юзасидан берилган кўрсатма ижроси бўйича фуқаро З.Рўзимова тумандаги “Чўл қувар” фермер хўжалигига ишчи сифатида ишга жойлаштирилди.