Yangiliklar

Joriy yilning 12 avgust kuni viloyat adliya boshqarmasi tomonidan Xorazm viloyati Qo`riqlash boshqarmasi Urganch tumani qo`riqlash bo`limida harbiylarning saylov qonunchiligiga oid huquqiy savodxonligini oshirish boʼyicha “Saylov - 2021: o`z kelajaging uchun ovoz ber” mavzusida davra suhbati boʼlib oʼtdi.
Ushbu davra suhbatida yangi qabul qilingan saylov kodeksining mazmun-mohiyati va ahamiyati yigʼilish ishtirokchilariga tushuntirildi.
Shu bilan birga, adliya vazirligi tomonidan tayyorlangan buklet, flaer hamda infografikalar yigʼilish ishtirokchilariga tarqatildi.

Xorazm viloyat adliya boshqarmasi tomonidan joriy yilning may oyidan boshlab tizimdagi har bir xodim oʼz tashabbusi bilan tahlil oʼtkazadigan ishlari yuzasidan reja grafik tasdiqlandi.
Mazkur reja grafikka asosan Urganch shahar adliya boʼlimi boshligʼi (А.Yusupov) tomonidan shahardagi asosiy olimpiadalar respublika bosqichi gʼoliblarining oʼqituvchilariga bir martalik pul mukofotlari toʼlanishi ahvoli tahlil qilindi. 
Tahlil natijasiga koʼra Urganch shahrida 2 ta holatda asosiy olimpiadalar respublika bosqichi gʼoliblarining oʼqituvchilariga bir martalik pul mukofotlari toʼlanmaganligi aniqlandi. 
Mazkur masala viloyat miqyosida tahlil qilinib, qoʼllanilgan taʼsir chora natijasida Urganch tumanidagi 1-son maktab oʼqituvchisi N.Erdjanova, Qoʼshkoʼpir tumanidagi 1-son ixtisoslashtirilgan maktab internati oʼqituvchisi M.Аsqarova va Urganch shahridagi 25-son maktab oʼqituvchisi N.Roʼzmetovalarning har biriga 12 250 000 soʼmdan, Urganch shahridagi 6-son maktab oʼqituvchisi F.Masharipovaga 8 575 000 soʼm, jami 45 325 000 soʼmlik bir martalik pul mukofotlari toʼlab berildi.

Joriy yilning 6 avgust kuni viloyat adliya boshqarmasi tomonidan Urganch shahrida joylashgan harbiy qismda harbiylarning saylov qonunchiligiga oid huquqiy savodxonligini oshirish boʼyicha “Saylov - 2021: o`z kelajaging uchun ovoz ber” mavzusida davra suhbati boʼlib oʼtdi.
Ushbu davra suhbatida yangi qabul qilingan saylov kodeksining mazmun-mohiyati va ahamiyati yigʼilish ishtirokchilariga tushuntirildi.
Shu bilan birga, adliya vazirligi tomonidan tayyorlangan buklet, flaer hamda infografikalar yigʼilish ishtirokchilariga tarqatildi.

Хоразм вилоят юридик техникумидаги бўш иш ўринлар ҳақида

М А Ъ Л У М О Т

02.08.2021 йил

Иш шароити:

- Адлия органлари ходимларига бериладиган махсус унвон – мартаба даража (чин)ларига тавсия этиш;

- Лавозим маошларига устама ва қўшимча ҳақ (мартаба даражалари учун 20-50 % гача, узоқ муддат хизмат кўрсатганлиги учун 5-40 % гача) мавжудлиги;

- Меҳнатни моддий рағбатлантириш тизимининг мавжудлиги (ўқитувчиларга лавозим маошига 200 % гача устама ҳақ, ходимларга лавозим маошига 200 % гача устама ҳақ);

- Иш ҳақи ҳажми меҳнат шартномаси билан белгиланади.

Ходимликка номзодлар: танлов учун ариза шахсий маълумотнома (объективка), диплом нусхаси, паспорт нусхасини e-mail: xoryuridiktexnikum@umail.uz электрон почтасига тақдим этишлари лозим.

Танлов Хоразм вилояти адлия бошқармаси биносида бўлиб ўтади. Танлов куни ва вақти хабарнома орқали билдирилади.

Ариза ва тегишли ҳужжатлар 2021 йил 17 август куни соат 17:00 га қадар қабул қилинади.

Маълумотномада номзоднинг яшаш манзили, мобиль телефон рақамлари ва электрон почта манзили тўғрисидаги маълумотлар ҳам кўрсатилиши керак. Батафсил маълумот: +99862-22-9-40-44

Танлов тартиби бузилган тақдирда ёки коррупция ҳолатлари юз берганда бу ҳақда Адлия вазирлигининг “1008” ишонч телефонига, @antikorbot телеграм каналига мурожаат қилишингиз мумкин.

Саралаш жараёни қуйидаги босқичларда ўтказилади:

1. Ҳужжатлар қабули;

2. Аризалар ва ҳужжатларни ўрганиш;

3. Тест синовларини ўтказиш;

4. Суҳбат.

Yangibozor tuman adliya boʼlimi tomonidan Oʼzbekiston Respublikasi Prezidentining 2020 yil 30 oktyabrdagi “Sogʼlom turmush tarzini keng tatbiq etish va ommaviy sportni yanada rivojlantirish chora-tadbirlari toʼgʼrisida”gi PF-6099-sonli Farmonining 13-bandi ijrosi yuzasidan tumandagi davlat organlari va tashkilotlarida monitoring oʼtkazildi.
Monitoring natijasida, Yangibozor tuman sanitariya-epidemiologik osoyishtalik va jamoat salomatligi xizmati boʼlimining 04.01.2021 yildagi 1i/3-sonli buyrugʼi bilan U.Yaxshimuratovga qoʼshimcha “Sport targʼibotchisi” vazifasi yuklatilgan boʼlsada, joriy yil yanvar-aprel oylari uchun hisoblangan 974 479 soʼm miqdoridagi ish haqi toʼlab berilmaganligi maʼlum boʼldi.
 Mazkur holat boʼyicha boʼlim tomonidan fuqaro U.Yaxshimuratovning manfaatini koʼzlab, fuqarolik ishlari boʼyicha Urganch tumanlararo sudiga ariza kiritilib, sudning buyrugʼi asosida 974 479 soʼm oylik ish haqi undirib berildi.

Xorazm viloyat adliya boshqarmasi tomonidan "Yuksalish" Umummilliy harakati Xorazm viloyat boʼlimi bilan hamkorlikda Oʼzbekiston Respublikasi Prezidentining 2021 yil 10 fevraldagi PF-6166-son Farmoni ijrosi boʼyicha Xiva tuman hokimligida jamoatchilik eshituvi oʼtkazildi.
Jamoatchilik eshituvi davomida tuman hokimligi va tashkilotlar mutasaddi rahbarlarining Prezident hujjatlari va topshiriqlari ijrosi boʼyicha hisobotlari eshitildi va parallel ravishda ijrosi kechikayotgan topshiriqlar boʼyicha ularga huquqiy-uslubiy yordam berildi hamda ijro intizomi bilan bogʼliq tegishli hujjatlarning mazmun-mohiyati tushuntirildi.

Joriy yilning 17 iyul kuni Xorazm viloyat Adliya boshqarmasi xodimlari tomonidan “Oʼzbekiston milliy metrologiya instituti” davlat korxonasi Xorazm filialidа Oʼzbekiston Respublikasi Prezidentining “Korrupsiyaga qarshi murosasiz munosabatda boʼlish muhitini yaratish, davlat va jamiyat boshqaruvida korrupsiyaviy omillarni keskin kamaytirish va bunda jamoatchilik ishtirokini kengaytirish chora-tadbirlari toʼgʼrisida”gi farmoni hamda “Korrupsiyaga qarshi kurashish faoliyatini samarali tashkil etishga doir qoʼshimcha chora-tadbirlar toʼgʼrisida”gi qarorining mazmun-mohiyati va ahamiyatini tushuntirishga qaratilgan seminar boʼlib oʼtdi.
Tadbir davomida farmon va qarorning mazmun-mohiyati yuzasidan berilgan savollarga xodimlar tomonidan belgilangan tartibda javoblar berildi.

Joriy yilning 30 iyul kuni joylarda aholini qiynab kelayotgan muammolarni aniqlash va ularni hal etish choralarini koʼrish maqsadida Xorazm viloyat adliya boshqarmasi boshligʼining oʼrinbosari I.Nazarov navbatdagi sayyor qabuli Xiva shahri Qiyot mahallasida boʼlib oʼtdi.
Sayyor qabulda 25 nafardan ortiq fuqarolar ishtirok qildi.
Sayyor qabulda inson huquqlariga oid murojaatlardan 5 tasi viloyat adliya boshqarmasi ish yurituviga, 10 ta murojaat tuman adliya boʼlimi ish yurituviga koʼrib chiqishlik uchun qabul qilingan boʼlsa, qolgan fuqarolarga Oʼzbekiston Respublikasining “Jismoniy va yuridik shaxslarning murojaatlari toʼgʼrisida”gi Qonuniga asosan joyida hal qilinib, tushuntirishlar berildi.
Sayyor qabul karantin qoidalariga rioya qilgan xolda oʼtkazildi.

Joriy yilning 27 iyul kuni “Fermerga madad” huquqiy aksiyasi doirasida fermerlarning murojaatlari va muammalarini oʼrganish va qonuniy tartibda koʼrib chiqib hal etish maqsadida Xazorasp tumanida Xorazm viloyat adliya boshqarmasi boshligʼining oʼrinbosari I.Nazarov, tuman hokimi Oʼ.Masharipov hamda Xazorasp tumani xalq qabulxonasi rahbari S.Xoʼjamuratov ishtirokida sayyor qabul oʼtkazildi.
Sayyor qabulda 35 nafardan ortiq fuqarolar ishtik etdi.
Sayyor qabul davomida inson huquqlariga oid 8 ta hamda 7 ta fermer xoʼjalik raxbarlari murojaatlari viloyat adliya boshqarmasi ish yurituviga, 5 ta murojaatlar tuman adliya boʼlimi ish yurituviga koʼrib chiqishlik uchun qabul qilingan boʼlsa, qolgan fuqarolarga Oʼzbekiston Respublikasining “Jismoniy va yuridik shaxslarning murojaatlari toʼgʼrisida”gi Qonuniga asosan joyida hal qilinib, tushuntirishlar berildi.
Sayyor qabul karantin qoidalariga rioya qilgan xolda oʼtkazildi.

Temur Xamidjanovich Eshmetov Xorazm viloyat adliya boshqarmasi boshligʼi oʼrinbosari – yuridik texnikumi direktori lavozimiga tayinlandi.
T.Eshmetov bunga qadar Xonqa tuman adliya bo`limi boshlig`i lavozimida faoliyat yuritgan.
Xorazm viloyat adliya boshqarmasi jamoasi T.Eshmetovni tayinlov bilan muborakbod etadi va kelgusi ishlarida muvaffaqiyatlar tilaydi.