Янгиликлар
09
Xiva shahrida fuqarolar muammolari joyida o‘rganildi
Xiva shahrida fuqarolar muammolari joyida o‘rganildi
Xiva shahridagi Yangi hayot mahallasida Xorazm viloyat adliya boshqarmasi boshlig‘i Mo‘minjon Atayev ishtirokida sayyor qabul bo‘lib o‘tdi.
Qabulda, fuqarolarning ijtimoiy himoya, kadastr, pensiya, sud-huquq, FHDY va davlat xizmatlari ko‘rsatilishi sohalariga oid masalalari yuzasidan murojaatlari tinglandi. Asosiy e’tibor murojaatlarni joyida hal etishga qaratildi.
“Huquqiy avtobus” loyihasi doirasida tezkor, qulay va shaffof sayyor davlat xizmatlari ko‘rsatildi.
Sayyor qabul yakunlariga ko‘ra:
30 dan ortiq fuqaroning murojaati tinglandi;
10 ta murojaat joyida hal etildi;
6 ta murojaat yuzasidan huquqiy tushuntirish berildi;
14 nafar fuqaroga sayyor tartibda huquqiy va davlat xizmatlari ko‘rsatildi;
o‘rganishni talab etadigan 15 ta murojaat ish yurituvga qabul qilindi.