Янгиликлар
20
Yashirin iqtisodiyotga qarshi kurashish oyligi
Xorazm viloyat adliya boshqarmasi rahbariyati ishtirokida viloyatdagi 13 tuman (shahar) adliya bo‘limlari tomonidan “Yashirin iqtisodiyotga qarshi kurashish oyligi” va "Kibermadaniyatni yuksaltirish oyligi" doirasida bir qator tadbirlar o‘tkazildi.
Xususan, yashirin iqtisodiyotni oldini olishga qaratilgan uchrashuv va davra suhbatlari tashkil etilib, tadbirlarda, rasmiy mehnat faoliyatining afzalliklari, oylik ish haqlarini olish tartibi, ish haqini “konvert” usulida berish, soliqlarni yashirish va hisobotlarni kamaytirganlik uchun hamda yashirin iqtisodiyot uchun javobgarlik masalalari, Kibermadaniyatni yuksaltirish va kibergigiyenani shakllantirish, firibgarlikdan himoyalanish, Tavakkalchilikka asoslangan o‘yinlar (“1xBet”, “Mostbet”, “Linebet”, “Moliyaviy piramida”) va ularning huquqiy oqibatlari, javobgarlik masalalari yuzasidan, shuningdek, “O‘zbekiston Respublikasining ayrim qonun hujjatlariga qo‘shimcha va o‘zgartirishlar kiritish to‘g‘risida” 2025-yil 21-avgustdagi O‘RQ-1083-son Qonuni bilan “Homiylik to‘g‘risida”gi Qonunga kiritilgan qo‘shimcha va o‘zgartirishlar haqida ma’lumotlar berilib, mavzuga doir buklet va flayerlar tarqatildi.
Shuningdek, tadbirlar doirasida, Davlatimiz rahbarining 2025-yil 3-yanvardagi PQ-1-sonli qarorining ijrosi yuzasidan “Mahalla yettiligi” xodimlari ishtirokida sayyor qabullar, uchrashuvlar bo‘lib o‘tdi hamda “Mening mahallamda jinoyat bo‘lmaydi” dasturi doirasida uyma-uy yurish orqali manzilli targ‘ibot tadbirlari tashkil etildi.
Bo‘lib o‘tgan tadbirlarda Moliyaviy piramida, firibgarlikdan ogohlikka chaqiruvchi hamda giyohvandlikka qarshi kurashish bo‘yicha 1000 dan ortiq buklet va flayerlar tarqatildi.