Янгиликлар
15
Adliya vazirligidan aholiga 100 maslahat
“Adliya vazirligidan aholiga 100 maslahat” nomli qoʻllanma tayyorlandi hamda “Yurkitob.uz” saytiga joylashtirildi.
Kitob Adliya vazirligining aholi uchun taqdim etgan 100 maslahati asosida tuzilgan boʻlib, oʻquvchiga huquqiy va amaliy tavsiyalarni taqdim etadi.
Kitobda oila, mehnat munosabatlari, notarial harakatlar, tadbirkorlik, taʼlim, ijtimoiy himoya, sud va boshqa sohalar boʻyicha foydali maslahatlar mavjud.
Shuningdek, fuqarolar uchun yangi imkoniyatlar va davlat xizmatlaridan qanday foydalanish mumkinligi haqida ham tushuntirishlar berilgan.
Kitobning asosiy maqsadi fuqarolarni oʻz huquq va majburiyatlari haqida xabardor qilish, turli huquqiy va amaliy masalalarda ularni qoʻllab-quvvatlashdir. Bu kitob nafaqat huquqiy bilimlarni oshirish, balki oʻz hayotini va faoliyatini qonuniy ravishda yuritishni xohlagan har bir fuqaro uchun muhim manba hisoblanadi.