Bog'lanish

Telefon
(+998 62) 226-05-37

Elektron manzil
xorazm@adliya.uz

Habarni yuborish
Ishonch telefoni 1008

Янгиликлар

11

Ёшлар учун байрам совғаси

Оила ҳар-бир халқнинг, миллатнинг давомийлигини сақлайдиган, миллий қадриятларнинг ривожини таъминлайдиган янги авлодни дунёга келтириб, уни баркамол қилиб тарбиялайдиган муқаддас маскандир.Шу жиҳатдан ҳам ҳудудларда оила ришталарини боғлашга хизмат қилувчи замонавий ФҲДЁ бўлимларининг муҳташам бинолари қурилиб фойдаланишга топширилмоқда.

IMG_8446.JPG

Ҳонқа тумани марказида давлат маблағлари ҳисобига қурилган замонавий талабларга жавоб берадиган ФҲДЁ бўлимининг кўркам янги биноси фойдаланишга топширилди.

531 миллион сўм маблағ сарфланган иншоотни туман аҳолисига Мурод Самандаров раҳбарлик қилаётган “Ноиб мармар” хусусий таъмирлаш корхонаси бунёдкорлари тақдим этишди.

Миллий ва замонавий талаблар асосида қурилган бино туман аҳолиси ва меҳмонлари учун Наврўз байрамига муносиб совға бўлди.

Мамлакатимизда ҳар томонлама соғлом ва баркамол авлодни вояга етказиш, ёшларимизни миллий ва умуминсоний қадриятлар уйғунлиги руҳида тарбиялашда оила институтининг ролига устувор вазифалардан бири сифатида қаралмоқда.

Юртбошимиз томонидан жорий йилнинг “Соғлом бола йили” деб эълон қилини бу борадаги ишла кўламини янада кенгайтирди.

Сўзга чиққанлар қайд этишганидек, Ўзбекистон Республикаси Конституциясининг 14-боби алоҳида оилага бағишланиб, 63-моддасида оила жамиятнинг асосий бўғини эканлиги ҳамда жамият ва давлат муҳофазасида бўлиш ҳуқуқига эгалиги қайд этилган.

IMG_8266.JPGОила муносабатларини тартибга солувчи қонун ҳужжатлари такомиллаштириб борилаётганлиги, бу эса ўз навбатида миллий қадриятларнинг ва оиланинг муқаддас анъаналарига сингиб бораётганлигини кўрсатмоқда. ФҲДЁ бўлимлари фаолиятида синовдан ўтган ва ўзлаштирилган кўп йиллик тажриба Ўзбекистон Республикасининг Оила кодексида ўз ифодасини топди.

Президентимизнинг бевосита раҳбарлигида мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш борасидаги ислоҳотлар халқимизнинг турмуш фаровонлигини ошириш, юртимизда тинчлик ва хавфсизликни таъминлаш, фуқароларнинг конституциявий ҳуқуқ ва эркинликларини таъминлашга қаратилганлиги билан аҳамиятлидир.

Янги бинонинг очилишида сўзга чиққанлар бошқа соҳалар каби, оила қонунчилигининг такомиллашуви, ёшларнинг ҳуқуқ ва манфаатларини таъминлашга қаратилган тадбирларнинг аҳамияти борасида амалга оширилаётган ишлар ҳақида атрофлича сўз юритдилар.

Шу куни янги муҳташам бинода оила қуришга аҳд қилган ёш келин-киёвларга никоҳ тузилганлиги ҳақида гувоҳнома топшириш тантанаси ҳам бўлиб ўтди.