Янгиликлар
08
“Adliya xalq orasida”
Joriy yilning 8-sentabr kuni Xorazm viloyat adliya boshqarmasi tomonidan mustaqillikning 31 yilligiga bag’ishlab “Yangi O’zbekistonda el aziz, inson aziz” shiori ostida “Adliya xalq orasida” nomli huquqiy aksiyasi o`tkazildi.
Aksiya doirasida Urganch tumanidagi Munis Xorazmiy mahallasida sayyor qabul bo`lib o`tdi, unda Xususiy mulk daxlsizligi va qonun himoyasida nomli aksiya bo’yicha tushuntirishlar berildi hamda “Huquqiy avtobus” loyihasi doirasida Xorazm yuridik texnikumi o’quvchilardan iborat volonterlar guruhi tomonidan mavzuga oid bo’lgan bukletlar tarqatildi.
Shu bilan birga, tadbirda davomida Madad nodavlat notijorat tashkiloti tomonidan huquqiy maslahatlar berildi va fuqarolar kundalik hayotdagi oilaviy masalalari bo’yicha psixolog yordamidan ham foydalanishdi.
Tadbir tumandagi “Buyum bozori”da tezkor, shaffof va qulay sayyor davlat xizmatlari ko’rsatilishi bilan davom etdi.
Shuningdek, Аksiya doirasida Xiva tuman adliya bo’limida “Ochiq eshiklar kuni” ham bo’lib o’tdi.
Tadbirda jamoatchilik vakillari, ommaviy axborot vositalari xodimlari, jurnalist va blogerlar hamda fuqarolar ishtirok qilib, ularga Аdliya bo’limi, fuqarolik holati dalolatnomalarini yozish bo’limi, yuridik xizmat ko’rsatish markazi hamda davlat xizmatlari markazlari bitta binoda faoliyat yuritishi hamda fuqarolarga yaratilgan qulayliklar bilan yaqindan tanishtirildi.
Savol-javoblarga boy tarzda bo`lib o`tgan “Ochiq muloqat”da OАV vakillari va blogerlar o`zlarini qiziqtirgan savollari bilan ishtirok etishdi.
Xiva shahar ichan qal'a majmuasida bo`lib o`tgan targ`ibot tadbirlari doirasida:
Sport musobaqasi (stol tennis, shaxmat)
Huquqiy viktorina
Sayyor davlat xizmatlari
Huquqiy maslahatlar – Madad NNT
Volontorlar ishtirokida “Huquqiy avtobus” loyihasi
“Konstitutsiyaning yagona manbai va muallifi – xalqdir”
Xususiy mulk daxlsiz va qonun himoyasida huquqiy aksiyasi
PF-198-sonli Farmon mazmuni
Uyma-uy, manzilli va maqsadli targ`ibot bo`lib o`tdi.
Huquqiy viktorina hamda sport musobaqalarida faol ishtirok etgan fuqarolar esdalik sovg’alari bilan taqdirlandi.
Shuningdek, Xorazm viloyat yuridik texnikumining Adliya vazirligi stipendiyasi sovrindorlari bo’lgan 5 nafar iqtidorli o’quvchilarga guvohnomalar tantanali tarzda topshirildi.