Янгиликлар
15
Urganch shahar DXM da ID-kartalarni rasmiylashtirish xizmati yo'lga qo'yildi.
Endilikda, xorazmliklar eksterritorial tamoyili asosida Urganch shahar Davlat xizmatlari markazida 1 ish kuni ichida ID-karta olish imkoniyatiga ega bo'ldilar.
Davlatimiz rahbarining tegishli farmoniga ko'ra, ID-kartalarni rasmiylashtirish va berish muqobil ravishda (Ichki ishlar organlarining migratsiya va fuqarolikni rasmiylashtirish bo'limlari bilan bir vaqtda) Davlat xizmatlari markazlari orqali ham amalga oshirilishi yo'lga qo'yildi.
Shuni alohida qayd etish kerakki, 2021-yil 1-yanvardan 2011-yil namunasidagi (yashil) pasportlarni berish toʻxtatilib, oʻrniga ID-kartalar joriy etilgan.
Fuqarolar ushbu xizmatdan foydalanish uchun onlayn tarzda ya'ni Yagona interaktiv davlat xizmatlari portali (my.gov.uz) orqali ham ariza yuborishlari mumkin.
Ma'lumot uchun, mazkur hujjat 1 ish kuni ichida rasmiylashtirib beriladi, xizmat narxi BHMning 89% qilib belgilangan.
Eslatib o'tamiz,1 yoshgacha boʻlgan yangi tugʻilgan chaqaloqqa berilgan ID-kartaning amal qilish muddati 2-yil, 1 yoshdan 16 yoshgacha boʻlgan bolaga beriladigan karta 5-yil, 16 va undan katta yoshdagi shaxslar uchun 10-yil davomida amal qiladi.