Bog'lanish

Telefon
(+998 62) 226-05-37

Elektron manzil
xorazm@adliya.uz

Habarni yuborish
Ishonch telefoni 1008

Янгиликлар

26

Нодавлат нотижорат ташкилотлари тўғрисидаги қонунчиликни такомиллаштириш

Соҳага оид бўлган қонунларга киритилган ўзгартириш ва қўшимчаларнинг мазмуни ва моҳияти ҳамда “Нодавлат нотижорат ташкилотларининг чет давлатлардан, халқаро ва чет эл ташкилотларидан, 1.jpgчет давлатларнинг фуқароларидан ёки уларнинг топшириғига биноан бошқа шахслардан пул маблағлари ва мол-мулк олишни рўйхатдан ўтказувчи орган билан келишиш тартиби тўғрисида”ги Низом қоидаларини нодавлат нотижорат ташкилотлари вакилларига тушунтириш, уларнинг ҳуқуқий маданиятини янада ошириш мақсадида Хоразм вилоят адлия бошқармаси ходимлари томонидан бошқарма биносида “Нодавлат нотижорат ташкилотлари тўғрисидаги қонунчиликни такомиллаштириш” мавзусида семинар ташкил этилди.

Барчамизга маълумки, нодавлат нотижорат ташкилотлари фаолиятини ташкил этиш ва фаолиятини қўллаб-қувватлаш мақсадида Ўзбекистон Республикаси Президенти ва Ҳукуматининг бир қатор қарорлари қабул қилинган. Бунга мисол қилиб, Президентимизнинг 2013 йил 12 декабрдаги Қарори ва Вазирлар Маҳкамасининг 2014 йил 10 мартдаги қарорини мисол қилишимиз мумкин.

Ушбу қабул қилинган қарорлар билан нодавлат нотижорат ташкилотларига бир қатор енгилликлар яратилди. Жумладан, давлат рўйхатидан ўтказиш учун ундириладиган давлат божи миқдори 5 бараварига, уларнинг рамзларини давлат рўйхатидан ўтказиш учун ундириладиган йиғимлар миқдори 2,5 бараварига камайтирилди, нодавлат нотижорат ташкилотларининг давлат рўйхатидан ўтказиш тўғрисидаги мурожаатлари адлия органлари томонидан амалдаги норматив - ҳуқуқий ҳужжатларда назарда тутилганидек икки ой муддат ўрнига бир ой муддатда кўриб чиқилиши белгиланди ҳамда юридик шахслар олти ой мобайнида банк ҳисоб варақлари бўйича пул операцияларини ўтказиш билан боғлиқ молия - хўжалик фаолиятини амалга оширмаган тақдирда уларни тугатиш учун асос бўлишини назарда тутувчи Ўзбекистон Республикаси Фуқаролик кодексининг 53-моддаси қоидаси нодавлат нотижорат ташкилотларига жорий этилмаслиги белгилаб қўйилди.

Бундан ташқари, Вазирлар Маҳкамасининг 2015 йил 15 январдаги “Нодавлат нотижорат ташкилотларини тугатиш тартиби тўғрисидаги низомни тасдиқлаш ҳақида”ги Қарори билан “Нодавлат нотижорат ташкилотларни тугатиш тартиби тўғрисидаги низом”, 2015 йил 4 июнь куни эса Ўзбекистон Республикаси адлия вазирининг буйруғига асосан “Нодавлат нотижорат ташкилотлари тадбирларини келишиш тартиби тўғрисидаги низом” ҳамда “Нодавлат нотижорат ташкилотлари томонидан адлия органларига тақдим этиладиган ҳисобот шакллари тасдиқланди.

Шу билан бирга, соҳага оид қонунчиликни янада такомиллаштириш мақсадида “Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»Ð³Ð¸ 2016 йил 25 апрелдаги ЎРҚ-405-сонли Ўзбекистон Республикаси Қонуни билан нодавлат нотижорат ташкилотлари фаолиятини тартибга солувчи бир қатор қонун ҳужжатларига ўзгартириш ва қўшимчалар киритилди. 2016 йил 15 июнь куни эса “Нодавлат нотижорат ташкилотларининг чет давлатлардан, халқаро ва чет эл ташкилотларидан, чет давлатларнинг фуқароларидан ёки уларнинг топшириғига биноан бошқа шахслардан пул маблағлари ва мол-мулк олишни рўйхатдан ўтказувчи орган билан келишиш тартиби тўғрисида”ги Низом тасдиқланди.

1.jpgДавлат ва нодавлат нотижорат ташкилотлари вакиллари иштирок этган тадбирда мамлакатимизда нодавлат нотижорат ташкилотларига яратилган шароитлар ва имтиёзлар, соҳага оид қонунчиликдаги сўнгги янгиликлари тўғрисида маълумотлар берилди.

Шунингдек, семинар давомида Ўзбекистон Республикаси Адлия вазири томонидан 2016 йил 15 июнь куни 157-мҳ-сонли буйруғи билан тасдиқланган “Нодавлат нотижорат ташкилотларининг чет давлатлардан, халқаро ва чет эл ташкилотларидан, чет давлатларнинг фуқароларидан ёки уларнинг топшириғига биноан бошқа шахслардан пул маблағлари ва мол-мулк олишни рўйхатдан ўтказувчи орган билан келишиш тартиби тўғрисида”ги Низом ҳақида ҳам батафсил тушунтиришлар берилди.

Семинарда соҳага оид қонунчиликни жойларда кенг тарғиб қилиш, ижросини таъминлаш бўйича фикр ва мулоҳазалар билдирилди, иштирокчиларнинг саволларига малакали мутахассислар томонидан батафсил жавоблар берилди.