Янгиликлар
Ёш тадбиркор – элга мададкор
Айниқса, касб-ҳунар коллежлари битирувчилари ҳамда хотин-қизлар тадбиркорлигини кучайтириш масаласига алоҳида эътибор билан ёндашиляпти. Юртбошимиз раҳнамолигида тадбиркорлик фаолиятини қўллаб-қувватлаш, ёшларимизнинг ўз бизнес лойиҳаларини ҳаётга татбиқ этишлари учун барча имкониятлар яратиб берилмоқда.Мамлакатимиз тижорат банклари томонидан касб-ҳунар коллежлари битирувчиларини қўллаб-қувватлаш мақсадида кредитлар ажратилаётганлиги ҳам фикримиз тасдиғидир.
Ўзбекистон Республикаси Адлия вазирлигининг Ҳуқуқий тарғибот ва ҳуқуқий таълим бошқармасининг 2016 йил 1 ярим йиллик иш режасига асосан адлия органлари ва муассасаларига давлат бошқаруви органлари ва жамоат бирлашмалари билан ҳамкорликда бир қатор мавзуларда тарғибот тадбирларини ўтказиш вазифаси юклатилган. Коллеж битирувчиларини ўз бизнесларини ташкил этишга берилган имтиёзлар ҳусусида таълим муассасаларида тушунтириш ишларини олиб бориш ана шундай вазифалардан бири саналади.
Шу муносабат билан мазкур иш режа ижросини таъминлаш мақсадида жорий йилнинг июнь ойида Янгибозор тумани Саноат касб-хунар коллежида семинар тадбири ўтказилди.
Унда туман ФҲДЁ бўлими мудири, туман Хотин-қизлар қўмитаси мутахассиси, “Оила” илмий амалий маркази туман бўлими ходими, “Камолот” ЁИҲ туман бўлими мутахассислари, маҳалла маслаҳатчилари коллежнинг ўқувчи ва ўқитувчилари иштирок этишди.
“Камолот” ёшлар ижтимоий ҳаракати туман кенгаши томонидан туман Хотин-қизлар қўмитаси ватуман ФҲДЁ бўлими ҳамда бошқа қатор ташкилотлар ҳамкорлигида ташкил этилган тадбирда Президентимиз раҳнамолигида кичик бизнес ва хусусий тадбиркорликни ривожлантириш, айниқса, ёшлар томонидан ҳаётга татбиқ этилаётган истиқболли лойиҳаларни қўллаб қувватлашга алоҳида эътибор қаратилаётгани таъкидланди.