Bog'lanish

Telefon
(+998 62) 226-05-37

Elektron manzil
xorazm@adliya.uz

Habarni yuborish
Ishonch telefoni 1008

Янгиликлар

21

“Ягона дарча” – тадбиркорлар хизматида

Ўзбекистон Республикаси Вазирлар Маҳкамасининг “Ягона дарча” марказлари фаолияти самарадорлигини ошириш, давлат хизматларини кўрсатишда идоралараро электрон ҳамкорлик тизимидан фойдаланишни кенг жорий этиш ва марказларни коммуникация хизматлари билан узлуксиз таъминлаш буйича чора-тадбирлар режасида белгиланган вазифаларни бажариш мақсадида Ўзбекистон РеспубликасиАдлия вазирлиги томонидан Хоразм вилоятида амалий-ўқув машғулоти бўлиб ўтди. 1.jpg

Унда, вилоят ҳокимлиги, вилоят адлия бошқармаси, вилоят прокуратураси, “Ягона дарча” марказларининг масъул ходимлари, вилоятдаги давлат хизматларини кўрсатувчи ва давлат хизматлари кўрсатишда иштирок этувчи бошқа ҳудудий ташкилотлар ҳамда уларнинг жойлардаги соҳага масъул бўлган мутахассислари, шунингдек оммавий ахборот воситаларининг вакиллари иштирок этди.

Хозирда марказлар замонавий компьютер техникалари ва мебель жиҳозлари билан таъминланиб, малакали мутахассислар билан тўлдирилган, марказларга мутахассисларни ишга қабул қилиш ва лавозимидан озод этиш адлия органлари билан келишилган ҳолда амалга оширилмоқда.

“Ягона дарча” марказлари томонидан 2016 йилнинг 1 январидан бошлаб 11 000 дан ортиқ тадбиркорлик субъектлари давлат рўйхатидан ва қайта рўйхатдан ўтказилган, шунингдек, 3 300 га яқин тадбиркорлик субъектларига давлат хизматлари кўрсатилган.

1.jpgХабарингизи бор, Ўзбекистон Республикаси Президентининг 2015 йил 15 майдаги Фармонига асосан туман (шаҳар) ҳокимликлари ҳузуридаги тадбиркорлик субъектларини рўйхатга олиш инспекциялари негизида “ягона дарча” тамойили асосида тадбиркорлик субъектларига давлат хизматлари кўрсатиш “Ягона дарча” марказлари ташкил этилиб, жорий йилнинг 1 январидан эътиборан ўз фаолиятини бошлаган.

Шу муддатдан бошлаб, “Ягона дарча” марказлари томонидан кўрсатилаётган хизматлар учун бошқа давлат ва хўжалик бошқарув органларига тадбиркорлик субъектларидан бевосита ҳужжатлар қабул қилиш таъқиқланган.

Фармоннинг ижросини таъминлаш ва тадбиркорлик тузилмаларига замонавий ахборот-коммуникация технологияларидан кенг фойдаланган ҳолда давлат хизматларини кўрсатиш сифати ҳамда улардан фойдаланиш имкониятларини тубдан ошириш ва шаффофлигини таъминлаш мақсадида 2015 йилнинг 28 сентябрида Ўзбекистон Республикаси Президентининг “Тадбиркорлик субъектларига “ягона дарча” тамойили бўйича давлат хизматлари кўрсатиш тартибини янада такомиллаштириш чора-тадбирлари тўғрисида”ги Қарори қабул қилинди.

1.jpgМазкур қарорга асосан 2016 йилнинг 1 январидан бошлаб 16 та турдаги давлат хизматлари фақат “Ягона дарча” марказлари орқали амалга оширилиши ҳамда ушбу хизматлар рўйхатига босқичма-босқич қўшимчалар киритиб борилиши назарда тутилди.

Шунингдек, тадбиркорлик субъектларига “ягона дарча” тамойили бўйича давлат хизматларини кўрсатишда, қонунчиликда белгиланган тартибни қийинлаштиришнинг ҳар хил усулларидан, жумладан рўйхатдан ўтиш ва лицензия олиш тартиб-таомилларини, шунингдек хусусий тадбиркорлик фаолиятига қаршилик қиладиган бошқа бюрократик тўсиқлардан фойдаланишга қатъиян йўл қўйилмаслиги белгилаб қўйилди.

Ўзбекистон Республикаси Вазирлар Маҳкамасининг 2015 йил 14 декабрь куни Қарори қабул қилиниб, унга кўра 2 та яъни “Тадбиркорлик субъектларига “Ягона дарча” тамойили бўйича давлат хизматлари кўрсатиш ягона марказлари фаолиятини ташкил этиш тартиби тўғрисида” ҳамда “Тадбиркорлик субъектларига “ягона дарча” тамойили бўйича давлат хизматлари кўрсатиш ягона марказлари орқали давлат хизматлари кўрсатиш тартиби тўғрисида”ги Низомлар тасдиқланган.

1.jpgШунингдек, тадбиркорлик субъектларига “ягона дарча” тамойили бўйича давлат хизматлари фақат давлат хизматлари кўрсатиш ягона марказлари орқали кўрсатиладиган давлат хизматининг намунавий паспортлари ишлаб чиқилган.

Таҳлиллар натижасига кўра “Ягона дарча” марказлари орқали юборилган талабномалар бўйича давлат хизматлари кўрсатишда юзага келаётган муаммоларни бартараф қилиш ва давлат хизматлари кўрсатиш билан боғлиқ қонунчиликни такомиллаштириш юзасидан фикр алмашинилиб, тегишли таклифлар ишлаб чиқилди.