Янгиликлар

ХОНАДОНЛАРИМИЗ ФАЙЗИ ВА ФАРИШТАСИ

Хоразм вилоят адлия бошқармаси, Урганч шаҳар ФҲДЁ бўлими, Урганч шаҳар 5- ва 9-сон давлат нотариал идоралари, шаҳар хотин-қизлар қўмитаси, “Камолот” ЁИҲ шаҳар бўлими ҳамкорликда Урганч давлат университетида “Кексаларни эъзозлаш йили” давлат дастури доирасида “Кексалар хонадонимиз файзи ва фариштасидир” мавзусида давра суҳбати ўтказилди.

Сўзга чиққанлар, Давлат дастурининг аҳамияти юзасидан Республикамизда кексаларга қаратилаётган эътибор, жумладан Дастурнинг биринчи бандида белгилаб ўтилган бир қатор норматив-ҳуқуқий ҳужжатларнинг қабул қилинаётганлиги нафақат кексаларга қаратилаётган эътибор балки уларнинг турмуш даражасининг яхшиланишига ҳам таъсир кўрсатаётганлиги ҳақида тўхталиб ўтдилар.

Бошқарма ходимлари томонидан жойларда қарияларга эҳтиром кўрсатиш фақат фазилат бўлибгина қолмасдан, юксак инсоний ва конституциявий бурч ҳам эканлиги қайд этилганлиги бунинг яққол намунаси эканлиги ҳусусида алоҳида таъкидлаб ўтилди.

Бундан ташқари Ўзбекистон Республикаси Вазирлар Маҳкамасининг жорий йилнинг 23 апрелида қабул қилинган “Республиканинг санаторий-соғломлаштириш муассасаларига бораётган 1941-1945-йиллардаги уруш ва меҳнат фронти фахрийларига темир йўл транспортида бепул юриш ва ҳаво транспортида имтиёзли юриш ҳуқуқини бериш тартиби тўғрисидаги Низомни тасдиқлаш ҳақида”ги 100-сонли Қарори айнан кексаларни ижтимоий қўллаб-қувватлаш борасида амалга оширилаётган ишларнинг яққол намунаси эканлиги эътироф этилди.

“Кексаларни эъзозлаш йили” Давлат дастурида кексаларнинг ҳаёт даражаси ва сифатини янада яхшилаш, уларни моддий ва маънавий қўллаб-қувватлаш кўламини кенгайтириш, ёши улуғ инсонлар, айниқса, 1941-1945 йиллардаги уруш ва меҳнат фронти фахрийларига ижтимоий пенсия таъминоти ва тиббий хизмат кўрсатишни такомиллаштириш, оила ва жамиятда ёшларни ўзбек халқининг кўп асрлик қадрият ва анъаналари руҳида тарбиялашда кексаларнинг ўрнини мустаҳкамлашдек эзгу мақсадларга алоҳида эътибор қаратиш лозимлиги таъкидланди.