Янгиликлар
07
ADLIYA ARALASHGACH!
Xorazm viloyat adliya boshqarmasi tomonidan fuqarolar M.Boboyeva, Y.Egamberdiyeva va I.Kazakovalarning nogironligi bo`lgan farzandlari parvarishi bilan band bo`lganligi sababli moddiy yordam berilishida amaliy yordam berishni so`rab qilgan murojaatlari ko’rib chiqildi.
Adliya boshqarmasi aralashuvi bilan fuqarolarning murojaatlari ijobiy qanoatlantirilib, O`zbekiston Respublikasi Prezidentining 2022-yil 17-fevraldagi PF-74-sonli farmoniga asosan hech qayerda ishlamasdan uyida nogiron farzandlarini parvarishi bilan band bo‘lgan 3 nafar onaga bolalarini parvarishlash nafaqasi tayinlandi.
Ma’lumot uchun: Farmonning 2-bandida 2022-yil 1-apreldan boshlab o‘zgalar parvarishiga muhtoj nogironligi bo‘lgan 18 yoshgacha bolalarning parvarishi bilan band bo‘lgan bolaning qonuniy vakiliga har oyda 500 000 so‘m miqdorida nafaqa to‘lovi joriy etilganligi nazarda tutilgan.