Yangiliklar

Joriy yilning 13 sentyabr kuni Xorazm viloyat adliya boshqarmasida mehr-muruvvat va insonparvarlikni targʼib etish maqsadida “Mehr ulash” xayriya qon topshirish aksiyasi tashkil etildi. 
Mazkur begʼaraz donorlik aksiyasida turli kasalliklar yoki baxtsiz hodisalar tufayli qonga muhtoj boʼlgan insonlarlarning sogʼayib ketishlariga hissa qoʼshish maqsadida 40 nafardan ortiq adliya boshqarmasi, tuman (shahar) adliya boʼlimlari va yuridik texnikum xodimlari ixtiyoriy ravishda ishtirok etdilar.

Xorazm viloyati xokimligi huzuridagi FOʼOʼBOXMOB Oʼquv kurslari tomonidan 2021 yil 10 sentyabr kuni “Yangi Oʼzbekiston - Yangi Saylovlar”! mavzusida davra suhbati tashkil etildi. 
Ushbu davra suhbatida viloyat viloyat adliya boshqarmasi hamda Urganch shahar adliya boʼlimi xodimlari tomonidan yangi qabul qilingan saylov kodeksining mazmun-mohiyati va ahamiyati yigʼilish ishtirokchilariga tushuntirildi.
Shu bilan birga, adliya vazirligi tomonidan tayyorlangan buklet, flaer hamda infografikalar yigʼilish ishtirokchilariga tarqatildi.

Xorazm viloyat adliya boshqarmasi xodimlarining huquqiy bilimlarini yuksaltirish, jamoada birdamlik va ishchanlik ruhini koʼtarish maqsadida boshqarma boshligʼi tomonidan tasdiqlangan “Maʼnaviyat soati”ni oʼtkazish boʼyicha targʼibot rejasi ijrosini taʼminlash maqsadida joriy yilning 9 sentyabr kuni Urganch Davlat Universiteti pedagogika va psixologiya kafedrasining professor-oʼqituvchilari ishtirokida seminar trening tashkil etildi.
Mazkur seminar trening “Stressni oldini olish” mavzusida boʼlib oʼtdi.
Tadbir qiziqarli, koʼtarinki ruhda hamda savol-javoblarga boy tarzda oʼtkazildi.

Joriy yilning 8 sentyabr kuni Xorazm viloyat adliya boshqarmasi xodimlari hamda Xorazm viloyat Yuridik texnikumi rahbar va xodimlari bilan hamkorlikda “Street Law” loyihasi doirasida texnikum oʼquvchilari uchun mahorat darsi tashkil etildi.
Mazkur tadbirda texnikum oʼquvchilaridan iborat “Volontyor” guruhlariga joylarda oʼtkaziladigan targʼibot tadbirlari yuzasidan tushuntirish va tavsiyalar berildi.
Shu bilan birga, uchrashuvda volontyor-oʼquvchilarga oʼtgan oʼquv yilida amalga oshirilgan ishlar natijalari, loyihani rivojlantirishga qoʼshgan hissalari uchun tashakkur bildirildi.

Bogʼot tumani, “Oʼgʼizravot” qishlogʼi, “Ustalar” mahallasida yashovchi fuqaro D.Otajonovaning, Urganch shahar qurilish boʼlimi va АTB Аgrobank Bogʼot filiali xodimlari hatti-harkatlaridan norozi boʼlib qilgan murojaati Urganch shahar adliya boʼlimi tomonidan koʼrib chiqildi.
Oʼrganishda, fuqaro D.Otajanovaga tegishli Urganch shahar Oʼzbekiston ovozi koʼchasida joylashgan noturar binosini garov sifatida qoʼyib, tadbirkorlik faoliyati bilan shugʼullanish uchun kredit olish maqsadida joriy yilning yanvar oyida АTB Аgrobank Bogʼot filialiga murojaat qilganligi, Urganch shahar qurilish boʼlimining 2021 yil 9 iyuldagi 937-sonli АTB Аgrobank Bogʼot filialiga taqdim qilgan maʼlumotiga asosan, ushbu Urganch shahar Oʼzbekiston ovozi koʼchasida joylashgan noturar bino “Аvtomashina yuvish joyi” Urganch shahar hokimining 2020 yil 25 dekabrdagi №1718q-sonli “Xiva obod yoʼl qurilish” MChJga oʼziga tegishli Urganch shahar Oʼzbekiston ovozi koʼchasi 6/1-manzilda joylashgan qozonxona binosi yer, bino va inshootlari hududida birinchi qavati savdo va maishiy xizmat koʼrsatish shaxobchasiga moʼljallangan 16 qavatli, 2 yoʼlakli, koʼp xonadonli turar joy binosi qurishga ruhsat berish toʼgʼrisidagi qaroriga asosan buzilishga tushgan hududda joylashgan obʼekt hisoblanganligi koʼrsatilgan hamda shahar qurilishi boʼlimining 2021 yil 2 avgust kuni №M 207-sonli maʼlumotnomasida ushbu bino buzib olinishi rejalashtirilmagan obʼektligi toʼgʼrisida ayni bir koʼchmas mulk boʼyicha bir xil masala yuzasidan ikki xil, yaʼni bir biriga qarama qarshi boʼlgan maʼlumotnomalar taqdim qilinganligi aniqlandi.
Аniqlangan holat yuzasidan Urganch shahar qurilish boʼlimi tomonidan qonunbuzilishi holatlariga yoʼl qoʼymaslik, ularning sodir etilishiga koʼmaklashuvchi sabablar va shart-sharoitlarni bartaraf etish toʼgʼrisida taqdimnoma kiritildi va ushbu kiritilgan taqdimnomaga asosan qurilish boʼlimi mutaxassisi А.Yusubov xizmat vazifasini lozim darajada bajarmaganligi hamda yoʼl qoʼygan xato va kamchiliklari sababli, Oʼzbekiston Respublikasi Mehnat kodeksining 181-moddasiga asosan, “hayfsan” intizomiy jazo chorasi qoʼllanildi.

2021 yil 1 sentyabrdan haydovchilardan ishonchnomaning soʼralmasligi, haydovchilar ishonchnoma rasmiylashtirmasa ham boʼladi degani emas.
Yaʼni, haydovchilar xuddi avvalgidek, ishonchnomani notarius orqali rasmiylashtiradi, faqat ishonchnomani yonida olib yurmasa ham boʼladi. Chunki 2021 yil 1 sentyabrdan ishonchnomalarni YPX xodimlari elektron tizim orqali mustaqil tekshiradi.
Ishonchnoma bilan bir qatorda texnik koʼrikka oid va “tonirovka” boʼyicha hujjatlarning mavjudligi ham elektron tarzda tekshiriladi.
 Demak, haydovchi ushbu hajjatlarni ham yonida olib yurishi shart emas.

Ushbu tadbir Davlat xizmatlari agentligi Xorazm viloyat boshqarmasi, Xorazm viloyat adliya boshqarmasi, Turizm va sport bosh boshqarmasi hamda Yoshlar ishlari agentligi Xorazm viloyati boshqarmasi tomonidan oʼtkazilgan boʼlib, tadbir doirasida fleshmob, huquqiy viktorina hamda fan va mehnat faxriylari ishtirokida mahorat darslari, shuningdek huquqiy maslahatlar va sayyor davlat xizmatlari koʼrsatildi.
Mazkur tadbir viloyatimizning barcha hududlarida oʼtkazilishi rejalashtirilgan.

Bogʼot tumani, “Oʼgʼizravot” qishlogʼi, “Ustalar” mahallasida yashovchi fuqaro D.Otajonovaning, Urganch shahar qurilish boʼlimi va АTB Аgrobank Bogʼot filiali xodimlari hatti-harkatlaridan norozi boʼlib qilgan murojaati Urganch shahar adliya boʼlimi tomonidan koʼrib chiqildi.
Oʼrganishda, fuqaro D.Otajanovaga tegishli Urganch shahar Oʼzbekiston ovozi koʼchasida joylashgan noturar binosini garov sifatida qoʼyib, tadbirkorlik faoliyati bilan shugʼullanish uchun kredit olish maqsadida joriy yilning yanvar oyida АTB Аgrobank Bogʼot filialiga murojaat qilganligi, Urganch shahar qurilish boʼlimining 2021 yil 9 iyuldagi 937-sonli АTB Аgrobank Bogʼot filialiga taqdim qilgan maʼlumotiga asosan, ushbu Urganch shahar Oʼzbekiston ovozi koʼchasida joylashgan noturar bino “Аvtomashina yuvish joyi” Urganch shahar hokimining 2020 yil 25 dekabrdagi №1718q-sonli “Xiva obod yoʼl qurilish” MChJga oʼziga tegishli Urganch shahar Oʼzbekiston ovozi koʼchasi 6/1-manzilda joylashgan qozonxona binosi yer, bino va inshootlari hududida birinchi qavati savdo va maishiy xizmat koʼrsatish shaxobchasiga moʼljallangan 16 qavatli, 2 yoʼlakli, koʼp xonadonli turar joy binosi qurishga ruhsat berish toʼgʼrisidagi qaroriga asosan buzilishga tushgan hududda joylashgan obʼekt hisoblanganligi koʼrsatilgan hamda shahar qurilishi boʼlimining 2021 yil 2 avgust kuni №M 207-sonli maʼlumotnomasida ushbu bino buzib olinishi rejalashtirilmagan obʼektligi toʼgʼrisida ayni bir koʼchmas mulk boʼyicha bir xil masala yuzasidan ikki xil, yaʼni bir biriga qarama qarshi boʼlgan maʼlumotnomalar taqdim qilinganligi aniqlandi.
Аniqlangan holat yuzasidan Urganch shahar qurilish boʼlimi tomonidan qonunbuzilishi holatlariga yoʼl qoʼymaslik, ularning sodir etilishiga koʼmaklashuvchi sabablar va shart-sharoitlarni bartaraf etish toʼgʼrisida taqdimnoma kiritildi va ushbu kiritilgan taqdimnomaga asosan qurilish boʼlimi mutaxassisi А.Yusubov xizmat vazifasini lozim darajada bajarmaganligi hamda yoʼl qoʼygan xato va kamchiliklari sababli, Oʼzbekiston Respublikasi Mehnat kodeksining 181-moddasiga asosan, “hayfsan” intizomiy jazo chorasi qoʼllanildi.

Joriy yilning 23 avgust kuni Urganch shahridagi ”Doʼstlik va NNTlar uyi”da saylov qonunchligiga bag`ishlangan davra suhbati oʼtkazildi. Oʼtkazilgan davra suhbatida Xorazm viloyat adliya boshqarmasi hodimlari tomonidan “Oʼzbekiston Respublikasi Saylov kodeksi”ga kiritilgan oʼzgartirishlar va saylov qonunchiligidagi yangiliklar yuzasidan ma`lumotlar berildi. Davra suhbatida viloyatdagi nodavlat notijorat tashkilotlari va fuqarolik jamyatining boshqa institutlari vakillari ishtirok etishdi.

Kadastr agentligi Yangiariq tuman boʼlimi xodimlari tomonidan joriy yilning 15 aprel kuni Yangiariq tumani, Vakillar mahallasi, Besh-ayvon koʼchasi, 77a-uyda yashovchi fuqaro B.Sabirovning nomidagi turar joy yer uchastkasi davlat roʼyxatidan oʼtkazilmaganligini va yer uchastkasi belgilangan muddatda davlat roʼyxatidan oʼtkazish uchun murojaat qilinmaganligi sababli B.Sabirovning oʼzi Rossiyada davlatida boʼlsada unga nisbatan Oʼzbekiston Respublikasi MJtKning 681-moddasi bilan maʼmuriy huquqbuzarlik toʼgʼrisidagi bayonnomani rasmiylashtirib, ushbu bayonnomaga B.Sobirovning turmush oʼrtogʼi G.Najimovaga imzolatgan MJtKning 681-moddasida nazarda tutilgan huquqbuzarlikni sodir qilganligi uchun bazaviy hisoblash miqdorining bir baravari 245.000 soʼm miqdorida jarimaga tortish toʼgʼrisida qaror qabul qilingan. 
Murojaat boʼyicha Yangiariq tuman adliya boʼlimi tomonidan mazkur maʼmuriy ish hujjatlari oʼrganilib, Kadastr agentligi Yangiariq tuman boʼlimi tomonidan maʼmuriy huquqbuzarlik toʼgʼrisidagi bayonnomani rasmiylashtirishda va ushbu maʼmuriy huquqbuzarlik toʼgʼrisidagi ish yuzasidan jarima qoʼllash toʼgʼrisidagi qarorni qabul qilishda Oʼzbekiston Respublikasi MJtK talablari buzilganligi aniqlandi fuqaro B.Sabirovga nisbatan Oʼzbekiston Respublikasi MJtKning 681-moddasiga asosan qoʼllanilgan 245.000 soʼm jarima jazosi qoʼllash toʼgʼrisidagi maʼmuriy qarori bekor qilinishi taʼminlandi.