К.Нодирова, Марғилон шаҳри
Жавоб:
Ўзбекистон Республикасининг “Фуқароларнинг мурожаатлари тўғрисида”ги Қонунинг 17-моддасига кўра, фуқароларнинг мурожаатлари, агар улар қўйилган масалаларни ҳал этиш ваколати доирасига кирмайдиган давлат органига юборилган бўлса, узоғи билан беш кунлик муддат ичида тегишли органларга жўнатилади ва бу ҳақда фуқарога хабар қилинади.
Шунингдек, ушбу Қонунинг 18-моддасига кўра, фуқароларнинг таклифлари тушган кундан эътиборан бир ойгача бўлган муддат ичида кўриб чиқилади, қўшимча ўрганишни талаб этадиган таклифлар бундан мустасно ва бу ҳақда таклиф киритган шахсга ўн кунлик муддат ичида маълум қилинади.
Ариза ёки шикоятлар масалани моҳиятан ҳал этиши шарт бўлган давлат органига тушган кундан эътиборан бир ойгача бўлган муддат ичида, қўшимча ўрганишни ва текширишни талаб этмайдиган ариза ёки шикоятлар эса ўн беш кундан кечиктирмай кўриб чиқилади.
Ариза ёки шикоятни кўриб чиқиш учун текшириш ўтказиш, қўшимча материаллар талаб қилиб олиш ёки бошқа чора-тадбирлар кўриш зарур бўлган ҳолларда, ариза ёки шикоятни кўриб чиқиш муддати тегишли давлат органи раҳбари томонидан истисно тариқасида узоғи билан бир ойга узайтирилиши мумкин ва бу ҳақда ариза ёки шикоят берган шахсга маълум қилинади.
Савол:
Қўшним яқинда қўшни туман бюджетдан ташқари пенсия жамғармаси масъул ходимини асоссиз равишда ҳақорат қилиб, унга нисбатан туҳмат қилганлигини ва юқори ташкилотига шикоят билан мурожаат қилганлигини, ҳозирда қилган ишидан афсусда эканлигини айтиб ўтди.
Айтингчи, мазкур турдаги мурожаатлар учун амалдаги қонунчилик бўйича жавобгарлик белгиланганми?
Э.Зоиров, Бешариқ тумани
Жавоб:
Мазкур Қонуннинг 26-моддасига кўра, фуқаронинг туҳмат ва ҳақоратдан иборат ариза, таклиф ёки шикоят берганлиги учун Ўзбекистон Республикаси Маъмурий жавобгарлик тўғрисидаги кодексининг 40, 41-моддаларида, шунингдек Ўзбекистон Республикаси Жиноят кодексининг 139, 140 ва 158-моддаларида назарда тутилган жавобгарликка сабаб бўлиши белгиланган.
Бундан ташқари, Қонуннинг 27-моддасига мувофиқ, била туриб сохта маълумотлар баён этилган мурожаатларни текшириш муносабати билан давлат органи томонидан сарф қилинган харажатлар фуқародан суднинг қарорига биноан ундириб олиниши мумкин.
Саволларга Фарғона вилоят адлия бошқармасининг
бош маслаҳатчиси А.Юнусов жавоб берди.