М.Каримова, Қува тумани
Жавоб:
Ўзбекистон Республикаси Оила Кодексининг 118-моддасига асосан, ногирон бола 18 ёшга тўлгунга қадар ёки болаликдан 1-гуруҳ ногирони бўлган болага қараган ёрдамга муҳтож собиқ хотин (эр) суд тартибида алимент талаб қилиш ҳуқуқига эгадир. Бунда алимент талаб қилинаётган эр(хотин) етарли маблағга эга бўлиши керак.
Савол:
Турмуш ўртоғим билан суд орқали ажрашганмиз.Хотиним меҳнатга лаёқатсизлиги сабали алимент тўлаётган эдим. Эшитишимча, у яқинда бошқаси билан турмуш қурибди. Ушбу ҳолатда мен алимент тўлашдан озод қилинаманми?
Б.Олимов
Бувайда тумани.
Жавоб:
Ўзбекистон Республикаси Оила Кодексининг 121-моддасига асосан, никоҳдан ажралган ёрдамга муҳтож, меҳнатга лаёқатсиз эр ёки хотин янги никоҳга кирганда эр-хотиннинг бир-биридан таъминот олиш ҳуқуқи тугайди. Бундай ҳолатда Сиз хотинингизни янги никоҳга кирганлигин тасдиқлаб, алиментни тугатиш масаласида фуқаролик ишлари бўйича судга мурожаат қилишингиз мумкин.
Саволларга Қува тумани ФҲДЁ органи
мудираси Н.Толипова жавоб берди
Бунинг учун..."
— Мен 5 000 000 сўм устав фонди билан Тошкент шаҳрида корхона ташкил қилмоқчиман. Бунинг учун қаерга учрашим ва қандай ҳужжатлар тақдим қилишим керак бўлади?
А.РАСУЛОВ, Тошкент шаҳри
— Ўзбекистон Республикаси Президентининг 2006 йил 24 майдаги ПҚ-357-сонли ва Вазирлар Маҳкамасининг 2003 йил 20 августдаги 357-сонли қарорлари билан тасдиқланган Низомларга асосан Сиз корхонангиз жойлашган туман ҳокимлиги ҳузуридаги тадбиркорлик субъектларини рўйхатдан ўтказиш инспекциясига мурожаат қилиб, қуйидаги ҳужжатларни тақдим қилишингиз лозим.
- ариза;
- давлат тилидаги таъсис ҳужжатларининг икки асл нусхаси;
- давлат божининг белгиланган миқдори тўланганлиги ҳақидаги банк тўлов ҳужжати;
- корхона номини марказлаштирилган маълумотлар базасида қулай фирма номи захирага олинганлигини тасдиқлайдиган ягона логин ва пароль;
- икки нусхада муҳр ва штамп эскизлари.
— Тадбиркорлик субъектларининг почта манзили ўзгарган тақдирда давлат рўйхатидан ўтказиладими ва давлат божи тўланадими?
С. АЛИМАРДОНОВ, Наманган вилояти
— Ўзбекистон Республикаси Президентининг 2006 йил 24 майдаги ПҚ-357-сонли ва Вазирлар Маҳкамасининг 2003 йил 20 августдаги 357-сонли қарорлари билан тасдиқланган Низомларга асосан тадбиркорлик субъектининг почта манзили ўзгарган тақдирда бу ҳақда рўйхатдан ўтказувчи орган ёзма равишда хабардор қилинади ва бунда давлат божи ундирилмайди.
— Тадбиркорлик субъектини ихтиёрий тугатиш қайси норматив-ҳуқуқий ҳужжат билан амалга оширилади?
П. САТТОРОВ, Тахиатош шаҳри
— Тадбиркорлик субъектини ихтиёрий тугатиш Ўзбекистон Республикаси Президентининг 2007 йил 27 апрелдаги ПҚ-630-сонли Қарори билан тасдиқланган "Тадбиркорлик субъектларини ихтиёрий тугатиш ва уларнинг фаолиятини тўхтатиш тартиби тўғрисида"ги Низом билан тартибга солинади.
Саволларга Адлия вазирлиги
масъул ходими Миродил МАҲМУДОВ
жавоб берди.